Hover a verse for quick parallels · click it for the full panel across Bibles & notes.
1 ወበእማንቱ፡ መዋዕል፡ ሚጠት፡ ትከውን፡ ለቅዱሳን፡ ወለኅሩያን፡ ወብርሃነ፡ መዋዕል፡ ዲቤሆሙ፡ የኀድር፡ ወስብሐት፡ ወክብር፡ ለቅዱሳን፡ ይትመየጥ።
2 ወበዕለት፡ እንተ፡ ጻሕብ፡ ትዘገብ፡ እኪተ፡ ለኃጥኣን፡ ወይመውኡ፡ ጻድቃን፡ በስሙ፡ ለእግዚአ፡ መናፍስት፡ ወያርኢ፡ ለካልኣን፡ ከመ፡ ይነስሑ፡ ወይኅድጉ፡ ምግባረ፡ እደዊሆሙ።
3 ወይከውን፡ ሎሙ፡ ክብር፡ በቅድመ፡ እግዚአ፡ መናፍስት፡ ወበስሙ፡ ይድኅኑ፡ ወእግዚአ፡ መናፍስት፡ ይምሕሮሙ፡ እስመ፡ ብዙኅ፡ ምሕረቱ።
4 ወጻድቅ፡ ውእቱ፡ በኵነኔሁ፡ ወበቅድመ፡ ስብሐቲሁ፡ ወዐመፃ፡ ኢትቀውም፡ በኵነኔሁ፡ ወዘኢይኔስሕ፡ በቅድሜሁ፡ ይትሀጐል።
5 ወእምይእዜሰ፡ ኢይምሕሮሙ፡ ይቤ፡ እግዚአ፡ መናፍስት።