1 Meqabyan 8

aligned by seat — same row, same verse, whatever each bible numbers it

← 7 9 →
vGeez
1 ወወእንተ፡ ትንሣኤ፡ ሙታንሂ፡ ስማዕ፡ እንግርከ፡ ይተክሉ፡ ዕፀወ፡ ወይገብሩ፡ አዕጹቀ፡ ወአሕራገ፡ ወይን፡ ወይገብሩ፡ እምኔሁ፡ እስመ፡ እምኀበ፡ አልቦ፡ ያመጽአ፡ እግዚአብሔር፡ ለፍሬ።
2 አጥባት፡ እማይ፡ ወእመሬት።
3 ወያጠብዎ፡ እግዚአብሔር፡ ለሥረዊሃ፡ እም
4 ነፋስት፡ አስተጋብኦ፡ ነፍሳተ፡ እማይ፡ ወእመሬት፡ ወእምፀሐይ፡ ወእምነፋስ፡ እስመ፡ ዘዚአሁ፡ ሖረ፡ እምከመ፡ ወጽአት፡ እምሥጋ።
5 ወመንፈሰ፡ እግዚአብሔር፡ ይሁብ፡ ፍሬ፡ በማዕከሎሙ፤ ከማሁኪ፡ ትንሣኤሆሙ፡ ለም፡ ውታን።
6 ወይቤ፡ እም
7 መሬት፡ ነበረት፡ ውስተ፡ ዘዚአሀ፡ ወኮነት፡ ሐማደ፡ ወማይኒ፡ ነበረት፡ ኀበ፡ ዘዚአሃ፡ ወኮነት፡ ጠለ።
8 ወነፋስኒነበረት፡ ኀበ፡ ዘዚአሃ፡ ወኮነት፡ ነፋስ፡ ወእሳትኒ፡ ነበረት፡ ኀበ፡ ዘዚአሃ። ወኮነት፡ ምውቀ፡ ፀሐየ።
9 ወመንፈሰ፡ እግዚአብሔር፡ ገብዓት፡ ውስተ፡ እደ፡ ፈጣሪሀ፡ ወያነብራ፡ ውስት፡ ዘፈቀደ፡ እስመ፡ ከመ፡ ያገብአ፡ ጊዜ፡ ፈቀደ።
10 ወያጸንዖን፡ ውስተ፡ አብያተ፡ ብርሃን፡ ለነፍሳተ፡ ጻድቃን፡ ወለነፍሳተ፡ ኃጥአንሰ፡ ያዓፅዎን፡ ውስተ፡ አብያተ፡ ጽልመት፡ እስከ፡ ጊዜ፡ ፈቀደ፡ ያወጽኦን።
11 ወይቤሎ፡ ለሕዝቅኤል፡ ነቢይ፡ ጸውዕ፡ እም4ነፍሳት፡ ከመ፡ ይትጋብኡ፡ ወይከውኑ1መንፈስ።
12 ወሶበ፡ ነበበ፡ ከመዝ፡ በአሐዱ፡ ቃል፡ ተጋብኡ፡ እም4ነፋሳት።
13 ወአምጽአ፡ ማይ፡ ጠላ፡ ወካዕበ፡ አምጽአ፡ ፀሐይ፡ ሙቀተ።
14 ወካዕበ፡ አምጽአ፡ መሬት፡ ሐመደ፡ ወነፋስኒ፡ አምጽአ፡ እስትንፋስ።
15 ወእግዚአብሔርኒ፡ አምጽአ፡ ነፍሰ፡ እምኀበ፡ ማኅደራ፡ እምኀበ፡ ዓፀዋ፡ ወበ1ቃል፡ ተጋብኡ፡ ወኮነ፡ ትንሣኤ።
16 ወካዕበ፡ አርእየከ፡ ዘሀሎ፡ አምሳለ፡ ኀቤከ፡ ይከውን፡ ምሤተ፡ ወትነውም፡ ወይከውን፡ ጽባሕ፡ ወትትነሣእ፡ አንተሰ፡ ሶበ፡ ትነውም፡ ምውት፡ አንተ።
17 ወሶበ፡ ትነቅሐ፡ አምሳለ፡ ትንሣኤ፡ ወሌሊትሰ፡ አምሳለ፡ ዝንቱ፡ ዓለም፡ ዘጽልመት፡ ኵለንታሁ፡ ወኵሉ፡ ዓለም፡ ይነውም፡ ቦቱ፡ እስመ፡ ጽልመተ፡ ሌሊት፡ ደፈኖሙ።
18 ወጎሐ፡ ጽባሕኒ፡ አምሳለ፡ ትንሣኤ፡ ምውታን፡ ውእቱ፡ በዘቦቱ፡ ይትዓተት፡ ጽልመተ፡ ወይከውን፡ ብርሃን፡ ውስተ፡ ኵሉ፡ ዓለም፡ ወይትነሣእ፡ ሰብእ፡ ወይወፍር፡ ውስት፡ ተግባሩ።
19 ወከመዝኪ፡ ይዝቲ፡ ዛቲ፡ ሐደሶ፡ ዓለም፡ ወትንሣኤ፡ ሙታን፡ እስመ፡ ዝንቱ፡ ዓለም፡ ኃላፊ፡ አምሳለ፡ ዝንቱ፡ ሌሊት።
20 ወሶበ፡ ይመጽእ፡ ፀሐይ፡ ወይበርህ፡ አምሳለ፡ ዝንቱ፡ ዓለም፡ በከመ፡ ይቤ፡ ዳዊት፡ ወውስተ፡ ፀሐይ፡ ሢመ፡ ጽላሎት።
21 ወሶበ፡ መጽአ፡ በሐዲስ፡ ዓለም፡ ከመ፡ ዘይእዜ፡ ያበርህ፡ ፀሐይ፡ አመ፡ ይመጽእ፡ ለሊሁ፡ እግዚአብሔር፡ ላዕሌሃ፡ ያበርህ፡ በዓለም፡ ሐዳስ፡ እስመ፡ ይቤ፡ ፀሐይ፡ ዘኢየዓርብ፡ ወማሕቶተ፡ ዘኢይጠፍዕ፡ ለሊሁ፡ እግዚአብሔር፡ ብርሃና።
22 ወካዕበ፡ ያነሥኦሙ፡ ለምውታን፡ ከመ፡ ቅጽበተ፡ ዓይን፤ ወካእበ፡ አመጽእ፡ ለከ፡ አሐተ፡ አምሳለ፡ እምሰሲትከ፡ ዘትዘርዕ፡ ወተሐዩ፡ ቦቱ፡ እንተ፡ እመሂ፡ ኅጠተ፡ ሥርናይ፡ ወእመሂ፡ ኅጠተ፡ ሰገም፡ ወእመሂ፡ ኅጠተ፡ ብርሰን፡ ወኵሉ፡ ተግባረ፡ ሰብእ፡ ዘይዘርዕ፡ ውስተ፡ ኵሉ፡ ምድር፡ ለእመ፡ ኢሞተት፡ አልቦ፡ ዘየሐዩ።
23 ወሶበ፡ ይመውት፡ ይትባላዕ፡ ሥጋሁ፡ በሐመድ፡ ምስለ፡ አነጻሁ፡ በከመ፡ ሥጋ፡ ሰብእ፡ ዘትሬኢ።
24 ወተበሊዖ፡ ሥጋሁ፡ በመሬት፡ ይነቁዕ፡ መጠነ
25 ርኢኪ፡ ይእቲኒ፡ ለእመ፡ ኢሞተት፡ ኢትክል፡ ሐይወ፡ ወሶበ፡ በቈለት፡ ታወጽእ፡ ሰብለ፡ ብዝኃ።
26 ወይወሀብ፡ እምኀበ፡ እግዚአብሔር፡ ፍሬ፡ ውስተ፡ ውእቱ፡ ሰብል፡ ዘልህቀ፡ ወያለብሶ፡ ሥጋ፡ ማዕስ፡ ገልቡ።
27 ወቈፅልዕ፡ ወብርዕ፡ ወኃሠር፡ ወቅርንብ፡ ኢይትኋለቍ፡ ለከ፡ አላ፡ ርኢ፡ መጠነ፡ ይበዝኅ፡ ኅጠቱ፡ ለዘዘራዕከ።
28 ኢትኩን፡ አብደ፡ ወርኢ፡ ዘርዓከ፡ መጠነ፡ በዝኃ፡ ፤ ከማሁኪ፡ ሐሊ፡ ትንሣኤ፡ ሙታን፡ ወዘከመ፡ ይትፈደዩ፡ በከመ፡ ምግባሮሙ።
29 ወካዕበ፡ ሰማዕ፡ እንግርከ፡ በከመ፡ ኢይትዌለጥ፡ ዘርዕ፡ ኀበ፡ ካልዕ፡ ዘርአ፡ ለእመ፡ ዘራዕኮ፡ ሥርናየ፡ የዓርርኑ።
30 ሰገመ፡ ወለእመ፡ ዘራእከ፡ ከሙነ፡ ተዓርርኑ፡ ተላቢ፡ ፤ ወእምውስተ፡ ዕፀውኒ፡ ለእመ፡ ተክልከ፡ በለሰ፡ ቦኑ፡ ይበቍልኑ፡ ለውዘ፡ ወለእመ፡ ተከልከ፡ ገውዘ፡ ይበቍልኑ፡ ለከ፡ ወይነ።
31 ወለእመ፡ ተከልከ፡ ጥዑመ፡ ፍሬ፡ ይበቍልኑ፡ መሪረ፡ ወለእመ፡ ተከልከ፡ ዕፀ፡ መረረ፡ ይክልኑ፡ ከዊነ፡ ጥዑመ።
32 ከማሁኪ፡ ለእመ፡ ሞተ፡ ኃጥእ፡ ይክልኑ፡ ከዊነ፡ ጻድቀ፡ አመ፡ ትንሣኤ፡ ወእመኒ፡ ሞተ፡ ጻድቅ፡ ይክልኑ፡ ከዊነ፡ ኃጥእ፡ አመ፡ ትንሣኤ፡ አላ፡ ኵሉ፡ በከመ፡ ምግባሩ፡ ይትፈደይ፡ ወበከመ፡ ፍሬ፡ ግብሩ፡ ወበከመ፡ ግብረ፡ እደዊሁ፡ ይትፈደይ፡ ወአልቦ፡ ዘይትኴነን፡ በኃጢአተ፡ ካልኡ።
33 ዓርዘ፡ ሊባኖስ፡ ይተከል፡ ወይገብር፡ አዕፁቀ፡ ነዋኃት፡ ወዓበይተ፡ ወለእመ፡ ኢዘንመ፡ ላዕሌሁ፡ ጠለ፡ አርሞንዔም፡ ኢይሤኒ፡ ቍጸሊሁ፡ አላ፡ ይየብስ፡ ወይትነገፍ።
34 ወዘግባኒ፡ ይትመላህ፡ እምሥርው፡ እመ፡ ኢወረዶ፡ ላዕሌሁ፡ ዝናመ፡ ክረምት።
35 ወከማሁ፡ እመ፡ ኢወረደ፡ ላዕሌሆሙ፡ ወለሕይወት፡ እምኀበ፡ እግዚአብሔር፡ ኢይት፡ ነሥኡ፡ ምውታን