Compare 1 Thessalonians 3

1 Thessalonians 3

aligned by seat — same row, same verse, whatever each bible numbers it

Bible Augustin Crampon (1923) Bible David Martin (1744) Bible J.N. Darby (French) Bible Ostervald (1881) Biblia Platense - Straubinger (1951) Byzantine Majority Text (Robinson-Pierpont 2005) Clementine Vulgate (1592) Douay-Rheims (1899 American Edition) Elberfelder, Unrevidiert (1905) King James Version with Apocrypha (1611) King James Version with Apocrypha (1769) King James Version with Strong's (1769) Louis Segond (1910) Luther 1545 — modern spelling (Bolsinger 2021) Lutherbibel (1912) Nestle Greek NT (1904) Reina-Valera (1909) Reina-Valera 1865 (Ministerios Valera, 2019 ed.) SBL Greek New Testament (2010) Sainte Bible libre pour le monde Sainte Bible néo-Crampon Libre Santa Biblia libre para el mundo Tischendorf GNT (8th ed., 1869–72) Tregelles Greek NT (1857–79) Valera 1602 Purificada Wycliffe Bible (1395, original spelling) Zürcher Bibel (1931)

← 2 4 →

v	Clementine1592
1	Propter quod non sustinentes amplius, placuit nobis remanere Athenis, solis :
2	et misimus Timotheum fratrem nostrum, et ministrum Dei in Evangelio Christi, ad confirmandos vos, et exhortandos pro fide vestra :
3	ut nemo moveatur in tribulationibus istis : ipsi enim scitis quod in hoc positi sumus.
4	Nam et cum apud vos essemus, prædicebamus vobis passuros nos tribulationes, sicut et factum est, et scitis.
5	Propterea et ego amplius non sustinens, misi ad cognoscendam fidem vestram : ne forte tentaverit vos is qui tentat, et inanis fiat labor noster.
6	Nunc autem veniente Timotheo ad nos a vobis, et annuntiante nobis fidem et caritatem vestram, et quia memoriam nostri habetis bonam semper, desiderantes nos videre, sicut et nos quoque vos :
7	ideo consolati sumus, fratres, in vobis in omni necessitate et tribulatione nostra, per fidem vestram,
8	quoniam nunc vivimus, si vos statis in Domino.
9	Quam enim gratiarum actionem possumus Deo retribuere pro vobis in omni gaudio, quo gaudemus propter vos ante Deum nostrum,
10	nocte ac die abundantius orantes, ut videamus faciem vestram, et compleamus ea quæ desunt fidei vestræ ?
11	Ipse autem Deus, et Pater noster, et Dominus noster Jesus Christus, dirigat viam nostram ad vos.
12	Vos autem Dominus multiplicet, et abundare faciat caritatem vestram in invicem, et in omnes, quemadmodum et nos in vobis :
13	ad confirmanda corda vestra sine querela in sanctitate, ante Deum et Patrem nostrum, in adventu Domini nostri Jesu Christi cum omnibus sanctis ejus. Amen.