Compare 4 Baruch 9 — Codex Sacra

4 Baruch 9

aligned by seat — same row, same verse, whatever each bible numbers it

← 8

v	Geez
1	ክፍል ፱። ወነበሩ፡ እንዘ፡ ይትፌሥሑ፡ ወይሠውዑ፡ ሰቡዐ፡ ዕለተ፡ በእንተ፡ ሕዝብ። ወአመ፡ ዐሡር፡ ዕለት፡ እምዘ፡ ተገብረ፡ ዝንቱ፡ አዕረገ፡ ኤርምያስ፡ መሥዋዕተ፡ ባሕቲቱ። ወጸለየ፡ ኤርምያስ፡ እንዘ፡ ይብል፡ ቅዱስ፡ ቅዱስ፡ ቅዱስ፡ አንተ፡ መዐዛ፡ ጥዑም፡ ለሰብእ፡ ወ፡ ብርሃን፡ ዘበአማን፡ ዘታበርህ፡ ሊተ፡ እስከ፡ አነ፡ እበጽሕ፡ ቅድሜከ፤ ኣስተበቍዐከ፡ በእንተ፡ ሕዝብከ፡ ወእስእለከ፡ በእንተ፡ ቃለ፡ መዐርዒር፡ ዘሱራፌል፡ ወበእንተ፡ መዐዛ፡ ዕጣን፡ ዘኪሩቤል፤ እስእለከ፡ እወ፡ ማሕሌታይ፡ ሚካኤል፡ መልአክ፡ ጽድቅ፡ ውእቱ፡ ዘያርኁ፡ አናቅጸ፡ ጽድቅ፡ እስከ፡ ይበውእዎን፡ ኣስተበቍዐከ፡ እግዚእ፡ ለኵሉ፡ ወእግዚእ፡ ዘኵሎ፡ ይእኅዝ፡ ወኵሎ፡ ፈጠረ፡ ዘያስተርኢ፡ ወዘኢተወልደ፡ ዘኵሎ፡ ፈጸመ፡ ወኵሉ፡ ፍጥረት፡ ኅቡእ፡ ሀሎ፡ ኀቤሁ፡ ዘእንበለ፡ ይትገበሩ፡ በኅቡእ። ወዘንተ፡ ጸለየ፡ ወፈጺሞ፡ ጸሎቶ፡ ቆመ፡ ኤርምያስ፡ ውስተ፡ ቤተ፡ መቅደስ፡ ወምስሌሁ፡ ባሮክ፡ ወአቤሜሌክ፡ ወኮነ፡ ኤርምያስ፡ ከመ፡ አሐዱ፡ ብእሲ፡ ዘወፅአ፡ ነፍሱ፡ እምላዕሌሁ። ወሶቤሃ፡ ወድቁ፡ ባሮክ፡ ውአቤሜሌክ፡ ወዐውየዉ፡ በዐቢይ፡ ቃል፡ ወይቤሉ፡ ወይ፡ ለነ፡ አቡነ፡ ኤርምያስ፡ ካህነ፡ አምላክ፡ ኀለፈ፡ እምኔነ። ውሰሚዖሙ፡ ከመዝ፡ ሕዝብ፡ ሮጹ፡ ኀቤሁ፡ ወረከብዎ፡ ለኤርምያስ፡ ውዱቀ፡ ወምውተ፡ ወበከዩ፡ ውሠጠጡ፡ አልባሲሆሙ፡ ወወደዩ፡ ሐመደ፡ ዲበ፡ ርእሶሙ፡ ወበከዩ፡ ብካየ፡ መሪረ። ወእምድኅረ፡ አስተዳለዉ፡ በዘ፡ ይቀብርዎ፡ መጽአ፡ ቃል፡ ዘይብል፡ ኢትግንዝዎ፤ ሕያው፡ ውእቱ፡ ወነፍሱ፡ ትገብእ፡ ዲበ፡ ሥጋሁ፡ ዳግመ። ወሰሚዖሙ፡ ዘንተ፡ ቃለ፡ ኢገነዝዎ፡ አላ፡ ነበሩ፡ እንዘ፡ የዐቅብዎ፡ ዐውዶ፡ ሠሉሰ፡ መዋዕለ፡ እስከ፡ ትገብእ፡ ነፍሱ፡ ውስተ፡ ሥጋሁ። ወኮነ፡ ቃል፡ በማእክለ፡ ኵሎሙ፡ ወይቤ፡ ሰብሕዎ፡ በአሐዱ፡ ቃል፡ ሰብሕዎ፡ ለአምላክ፡ ወኵልክሙ፡ ሰብሑ፡ ለመሲሕ፡ ወልደ፡ አምላክ፡ ዘያንቅሀክሙ፡ ወይኴንነክሙ፡ ኢየሱስ፡ ወልደ፡ አምላክ፡ ብርሃን፡ ለኵሉ፡ ዓለም፡ ወማኅቶት፡ ዘኢይጠፍእ፡ ወሕይወት፡ ዘሃይማኖት። ወይከውን፡ እምድኅረዝ፡ መዋዕል፡ ሠላስ፡ ምእት፡ ወሠላስ፡ ሰንበታት፡ ዘመዋዕል፡ ለምጽአቱ፡ ውስተ፡ ምድር፡ ዕፅ፡ ሕይወት፡ ዘሀሎ፡ ውስተ፡ ገነት፡ ወኢተተክለ፡ ይሬስይሙ፡ ለኵሉ፡ ዕፅ፡ ዘያወፅእ፡ ፍሬ፡ ወይቡሳነ፡ ከመ፡ ይምጽኡ፡ ኀቤሁ፡ ወይሬስዮሙ፡ ከመ፡ ይግበሩ፡ ፍሬ፡ ወይሥረጹ፡ ወፍሬሆሙ፡ ይነብር፡ ምስለ፡ መላእክት። ወበእንተ፡ ተክለ፡ ዕፀው፡ ከመ፡ ይለምልሙ፡ ወያንኁ፡ ነሀብ፡ ጸባሕተ፡ ለኢዮር፡ ከመ፡ ኢይይበስ፡ ሥረዊሆሙ፡ ከመ፡ ተክል፡ ዘኢአኀዘ፡ ሥርዉ፡ ምድረ። ወዘሕብረ፡ ቀይሕ፡ ያጸዐዱ፡ ከመ፡ ፀምር፡ ወማይ፡ ዘጥዑም፡ መሪረ፡ ይከውን፡ ወመሪር፡ ጥዑመ፡ ይከውን፡ በዐቢይ፡ ሐሤት፤ ወትፍሥሕታተ፡ አምላክ፡ ለደሰያት፡ ከመ፡ ይፍረዩ፡ ፍሬ፡ በነገረ፡ አፉሁ፡ ወልደ፡ ዚአሁ። ወውእቱ፡ ለሊሁ፡ ይበውእ፡ ውስተ፡ ዓለም፡ ወየኀሪ፡ ሎቱ፡ ሐዋርያተ፡ ዐሠርተ፡ ውክልኤተ፡ ከመ፡ ይትረአይ፡ ሎሙ፡ ዘአነ፡ ርኢኩ፡ ስርግወ፡ ዘይትፌኖ፡ እምኀበ፡ አቡሁ፡ ዘይመጽእ፡ ውስተ፡ ዓለም፡ ወውስተ፡ ደብረ፡ ዘይት፡ ይከይድ፡ ወያጸግብ፡ ነፍሰ፡ ርኅብተ። ወከመዝ፡ ነገረ፡ ኤርምያስ፡ በእንተ፡ ወልደ፡ አምላክ፡ ከመ፡ ይመጽእ፡ ውስተ፡ ዓለም። ወሶበ፡ ሰምዑ፡ ዘንተ፡ ሕዝብ፡ ተምዑ፡ በእንተ፡ ዝንቱ፡ ወይቤሉ፡ ዝንቱ፡ ውእቱ፡ ነገራት፡ ዘኢሳይያስ፡ ወልደ፡ አሞጽ፡ ዘይብል፡ ርኢኩ፡ አምላከ፡ ወልደ፡ አምላክ፤ ይእዜኒ፡ ተንሥኡ፡ ንግበር፡ ዲቤሁ፡ በከመ፡ ገበርነ፡ ዲበ፡ ኢሳይያስ፡ ውይቤሉ፡ መንፈቆሙ፡ አልቦ፤ ዳእሙ፡ በእብን፡ ንወግሮ። ወጸርኁ፡ ሎሙ፡ ባሮክ፡ ወአቤሜሌክ፡ እንዘ፡ ይብሉ፡ በዛቲ፡ ሞት፡ ኢትቅትልዎ። ወሐዘኑ፡ ባሮክ፡ ወአቤሜሌክ፡ በእንተ፡ ኤርምያስ፡ ወዓዲ፡ ኢኀደግዎ፡ ይዜንዎሙ፡ ኅቡኣተ፡ ዘርእየ። ወይቤሎሙ፡ ኤርምያስ፡ አርምሙ፡ ኢትብክዩ፡ እስመ፡ ኢይክሉ፡ ቀቲሎትየ፡ እስከ፡ እዜንወክሙ፡ ኵሎ፡ ዘርኢኩ፤ ወይእዜኒ፡ አምጽኡ፡ ሊተ፡ አሐተ፡ እብነ፡ ወአምጽኡ፡ ሎቱ፡ እብነ፡ አሐተ፡ ወአቀማ፡ ወይቤ፡ ብርሃን፡ ዘለዓለም፡ ረሲ፡ ዛተ፡ እብነ፡ ከመ፡ ርእየተ፡ ሰብእ፡ ትኩን፤ ወሶቤሃ፡ ኮነ፡ እብን፡ በርእየተ፡ ኤርምያስ፡ ዘይመስሎ። ወአኀዙ፡ ይውግርዎ፡ ለእብን፡ እንዘ፡ ይመስሎሙ፡ ኤርምያስሃ። ወኤርምያስ፡ ዜነዎሙ፡ ለባሮክ፡ ወለአቤሜሌክ፡ ኵሎ፡ ዘርእየ፡ ኅቡኣተ፡ ወእምድኅረዝ፡ ፈጺሞ፡ ነጊሮቶሙ፡ ሖረ፡ ወቆመ፡ ማእከለ፡ ሕዝብ፡ ፈቂዶ፡ ከመ፡ ይፈጽም፡ ምግቦ። ወሶቤሃ፡ ጸርኀ፡ ሎሙ፡ ዝኩ፡ እብን፡ ወይቤ፡ ኦአብዳን፡ ደቂቀ፡ እስራኤል፡ በእንተ፡ ምንት፡ ትዌግሩኒ፡ እንዘ፡ ታመስሉኒ፡ ኤርምያስሃ፡ ወኤርምያስ፡ ንዋ፡ ማእከሌክሙ፡ ይቀውም። ወሶበ፡ ርእይዎ፡ ሮጹ፡ ምስለ፡ ብዙኅ፡ እብን፡ ወፈጸሙ፡ ዐልዎ፡ ወቀበርዎ፡ ወነሥኡ፡ ውእተ፡ እብነ፡ ወአንበሩ፡ ውስተ፡ መቃብሪሁ፡ ወረሰይዎ፡ ከመ፡ እንተ፡ ማዕጾ፡ ውጸሐፉ፡ ውስቴቱ፡ እንዘ፡ ይብሉ፡ ነዋ፡ ዝንቱ፡ ውእቱ፡ ረድኡ፡ ለኤርምያስ።

Geez

ክፍል ፱። ወነበሩ፡ እንዘ፡ ይትፌሥሑ፡ ወይሠውዑ፡ ሰቡዐ፡ ዕለተ፡ በእንተ፡ ሕዝብ። ወአመ፡ ዐሡር፡ ዕለት፡ እምዘ፡ ተገብረ፡ ዝንቱ፡ አዕረገ፡ ኤርምያስ፡ መሥዋዕተ፡ ባሕቲቱ። ወጸለየ፡ ኤርምያስ፡ እንዘ፡ ይብል፡ ቅዱስ፡ ቅዱስ፡ ቅዱስ፡ አንተ፡ መዐዛ፡ ጥዑም፡ ለሰብእ፡ ወ፡ ብርሃን፡ ዘበአማን፡ ዘታበርህ፡ ሊተ፡ እስከ፡ አነ፡ እበጽሕ፡ ቅድሜከ፤ ኣስተበቍዐከ፡ በእንተ፡ ሕዝብከ፡ ወእስእለከ፡ በእንተ፡ ቃለ፡ መዐርዒር፡ ዘሱራፌል፡ ወበእንተ፡ መዐዛ፡ ዕጣን፡ ዘኪሩቤል፤ እስእለከ፡ እወ፡ ማሕሌታይ፡ ሚካኤል፡ መልአክ፡ ጽድቅ፡ ውእቱ፡ ዘያርኁ፡ አናቅጸ፡ ጽድቅ፡ እስከ፡ ይበውእዎን፡ ኣስተበቍዐከ፡ እግዚእ፡ ለኵሉ፡ ወእግዚእ፡ ዘኵሎ፡ ይእኅዝ፡ ወኵሎ፡ ፈጠረ፡ ዘያስተርኢ፡ ወዘኢተወልደ፡ ዘኵሎ፡ ፈጸመ፡ ወኵሉ፡ ፍጥረት፡ ኅቡእ፡ ሀሎ፡ ኀቤሁ፡ ዘእንበለ፡ ይትገበሩ፡ በኅቡእ። ወዘንተ፡ ጸለየ፡ ወፈጺሞ፡ ጸሎቶ፡ ቆመ፡ ኤርምያስ፡ ውስተ፡ ቤተ፡ መቅደስ፡ ወምስሌሁ፡ ባሮክ፡ ወአቤሜሌክ፡ ወኮነ፡ ኤርምያስ፡ ከመ፡ አሐዱ፡ ብእሲ፡ ዘወፅአ፡ ነፍሱ፡ እምላዕሌሁ። ወሶቤሃ፡ ወድቁ፡ ባሮክ፡ ውአቤሜሌክ፡ ወዐውየዉ፡ በዐቢይ፡ ቃል፡ ወይቤሉ፡ ወይ፡ ለነ፡ አቡነ፡ ኤርምያስ፡ ካህነ፡ አምላክ፡ ኀለፈ፡ እምኔነ። ውሰሚዖሙ፡ ከመዝ፡ ሕዝብ፡ ሮጹ፡ ኀቤሁ፡ ወረከብዎ፡ ለኤርምያስ፡ ውዱቀ፡ ወምውተ፡ ወበከዩ፡ ውሠጠጡ፡ አልባሲሆሙ፡ ወወደዩ፡ ሐመደ፡ ዲበ፡ ርእሶሙ፡ ወበከዩ፡ ብካየ፡ መሪረ። ወእምድኅረ፡ አስተዳለዉ፡ በዘ፡ ይቀብርዎ፡ መጽአ፡ ቃል፡ ዘይብል፡ ኢትግንዝዎ፤ ሕያው፡ ውእቱ፡ ወነፍሱ፡ ትገብእ፡ ዲበ፡ ሥጋሁ፡ ዳግመ። ወሰሚዖሙ፡ ዘንተ፡ ቃለ፡ ኢገነዝዎ፡ አላ፡ ነበሩ፡ እንዘ፡ የዐቅብዎ፡ ዐውዶ፡ ሠሉሰ፡ መዋዕለ፡ እስከ፡ ትገብእ፡ ነፍሱ፡ ውስተ፡ ሥጋሁ። ወኮነ፡ ቃል፡ በማእክለ፡ ኵሎሙ፡ ወይቤ፡ ሰብሕዎ፡ በአሐዱ፡ ቃል፡ ሰብሕዎ፡ ለአምላክ፡ ወኵልክሙ፡ ሰብሑ፡ ለመሲሕ፡ ወልደ፡ አምላክ፡ ዘያንቅሀክሙ፡ ወይኴንነክሙ፡ ኢየሱስ፡ ወልደ፡ አምላክ፡ ብርሃን፡ ለኵሉ፡ ዓለም፡ ወማኅቶት፡ ዘኢይጠፍእ፡ ወሕይወት፡ ዘሃይማኖት። ወይከውን፡ እምድኅረዝ፡ መዋዕል፡ ሠላስ፡ ምእት፡ ወሠላስ፡ ሰንበታት፡ ዘመዋዕል፡ ለምጽአቱ፡ ውስተ፡ ምድር፡ ዕፅ፡ ሕይወት፡ ዘሀሎ፡ ውስተ፡ ገነት፡ ወኢተተክለ፡ ይሬስይሙ፡ ለኵሉ፡ ዕፅ፡ ዘያወፅእ፡ ፍሬ፡ ወይቡሳነ፡ ከመ፡ ይምጽኡ፡ ኀቤሁ፡ ወይሬስዮሙ፡ ከመ፡ ይግበሩ፡ ፍሬ፡ ወይሥረጹ፡ ወፍሬሆሙ፡ ይነብር፡ ምስለ፡ መላእክት። ወበእንተ፡ ተክለ፡ ዕፀው፡ ከመ፡ ይለምልሙ፡ ወያንኁ፡ ነሀብ፡ ጸባሕተ፡ ለኢዮር፡ ከመ፡ ኢይይበስ፡ ሥረዊሆሙ፡ ከመ፡ ተክል፡ ዘኢአኀዘ፡ ሥርዉ፡ ምድረ። ወዘሕብረ፡ ቀይሕ፡ ያጸዐዱ፡ ከመ፡ ፀምር፡ ወማይ፡ ዘጥዑም፡ መሪረ፡ ይከውን፡ ወመሪር፡ ጥዑመ፡ ይከውን፡ በዐቢይ፡ ሐሤት፤ ወትፍሥሕታተ፡ አምላክ፡ ለደሰያት፡ ከመ፡ ይፍረዩ፡ ፍሬ፡ በነገረ፡ አፉሁ፡ ወልደ፡ ዚአሁ። ወውእቱ፡ ለሊሁ፡ ይበውእ፡ ውስተ፡ ዓለም፡ ወየኀሪ፡ ሎቱ፡ ሐዋርያተ፡ ዐሠርተ፡ ውክልኤተ፡ ከመ፡ ይትረአይ፡ ሎሙ፡ ዘአነ፡ ርኢኩ፡ ስርግወ፡ ዘይትፌኖ፡ እምኀበ፡ አቡሁ፡ ዘይመጽእ፡ ውስተ፡ ዓለም፡ ወውስተ፡ ደብረ፡ ዘይት፡ ይከይድ፡ ወያጸግብ፡ ነፍሰ፡ ርኅብተ። ወከመዝ፡ ነገረ፡ ኤርምያስ፡ በእንተ፡ ወልደ፡ አምላክ፡ ከመ፡ ይመጽእ፡ ውስተ፡ ዓለም። ወሶበ፡ ሰምዑ፡ ዘንተ፡ ሕዝብ፡ ተምዑ፡ በእንተ፡ ዝንቱ፡ ወይቤሉ፡ ዝንቱ፡ ውእቱ፡ ነገራት፡ ዘኢሳይያስ፡ ወልደ፡ አሞጽ፡ ዘይብል፡ ርኢኩ፡ አምላከ፡ ወልደ፡ አምላክ፤ ይእዜኒ፡ ተንሥኡ፡ ንግበር፡ ዲቤሁ፡ በከመ፡ ገበርነ፡ ዲበ፡ ኢሳይያስ፡ ውይቤሉ፡ መንፈቆሙ፡ አልቦ፤ ዳእሙ፡ በእብን፡ ንወግሮ። ወጸርኁ፡ ሎሙ፡ ባሮክ፡ ወአቤሜሌክ፡ እንዘ፡ ይብሉ፡ በዛቲ፡ ሞት፡ ኢትቅትልዎ። ወሐዘኑ፡ ባሮክ፡ ወአቤሜሌክ፡ በእንተ፡ ኤርምያስ፡ ወዓዲ፡ ኢኀደግዎ፡ ይዜንዎሙ፡ ኅቡኣተ፡ ዘርእየ። ወይቤሎሙ፡ ኤርምያስ፡ አርምሙ፡ ኢትብክዩ፡ እስመ፡ ኢይክሉ፡ ቀቲሎትየ፡ እስከ፡ እዜንወክሙ፡ ኵሎ፡ ዘርኢኩ፤ ወይእዜኒ፡ አምጽኡ፡ ሊተ፡ አሐተ፡ እብነ፡ ወአምጽኡ፡ ሎቱ፡ እብነ፡ አሐተ፡ ወአቀማ፡ ወይቤ፡ ብርሃን፡ ዘለዓለም፡ ረሲ፡ ዛተ፡ እብነ፡ ከመ፡ ርእየተ፡ ሰብእ፡ ትኩን፤ ወሶቤሃ፡ ኮነ፡ እብን፡ በርእየተ፡ ኤርምያስ፡ ዘይመስሎ። ወአኀዙ፡ ይውግርዎ፡ ለእብን፡ እንዘ፡ ይመስሎሙ፡ ኤርምያስሃ። ወኤርምያስ፡ ዜነዎሙ፡ ለባሮክ፡ ወለአቤሜሌክ፡ ኵሎ፡ ዘርእየ፡ ኅቡኣተ፡ ወእምድኅረዝ፡ ፈጺሞ፡ ነጊሮቶሙ፡ ሖረ፡ ወቆመ፡ ማእከለ፡ ሕዝብ፡ ፈቂዶ፡ ከመ፡ ይፈጽም፡ ምግቦ። ወሶቤሃ፡ ጸርኀ፡ ሎሙ፡ ዝኩ፡ እብን፡ ወይቤ፡ ኦአብዳን፡ ደቂቀ፡ እስራኤል፡ በእንተ፡ ምንት፡ ትዌግሩኒ፡ እንዘ፡ ታመስሉኒ፡ ኤርምያስሃ፡ ወኤርምያስ፡ ንዋ፡ ማእከሌክሙ፡ ይቀውም። ወሶበ፡ ርእይዎ፡ ሮጹ፡ ምስለ፡ ብዙኅ፡ እብን፡ ወፈጸሙ፡ ዐልዎ፡ ወቀበርዎ፡ ወነሥኡ፡ ውእተ፡ እብነ፡ ወአንበሩ፡ ውስተ፡ መቃብሪሁ፡ ወረሰይዎ፡ ከመ፡ እንተ፡ ማዕጾ፡ ውጸሐፉ፡ ውስቴቱ፡ እንዘ፡ ይብሉ፡ ነዋ፡ ዝንቱ፡ ውእቱ፡ ረድኡ፡ ለኤርምያስ።