Codex Sacra scripture, aligned
Atlas

Daniel 12

aligned by seat — same row, same verse, whatever each bible numbers it

← 11 14 →
vWycliffe1395
1 Forsothe in that tyme Miyhel, the greet prince, schal rise, that stondith for the sones of thi puple. And tyme schal come, what maner tyme was not, fro that tyme fro which folkis bigunnen to be, `vn to that tyme. And in that tyme thi puple schal be saued, ech that is foundun writun in the book of life.
2 And many of hem that slepen in the dust of erthe, schulen awake fulli, summe in to euerlastynge lijf, and othere in to schenschipe, that thei se euere.
3 Forsothe thei that ben tauyt, schulen schyne as the schynyng of the firmament, and thei that techen many men to riytfulnesse, schulen schyne as sterris in to euerlastynge euerlastyngnessis.
4 But thou, Danyel, close the wordis, and aseele the book, til to the tyme ordeyned; ful many men schulen passe, and kunnyng schal be many fold.
5 And Y, Danyel, siy, and lo! as tweyne othere men stood; oon stood on this side, on the brenk of the flood, and another on that side, on the tother part of the flood.
6 And Y seide to the man, that was clothid in lynnun clothis, that stood on the watris of the flood, Hou long schal be the ende of these merueils?
7 And Y herde the man, that was clothid in lynnun clothis, that stood on the watris of the flood, whanne he hadde reisid his riythond and lefthond to heuene, and hadde sworun by hym that lyueth with outen ende, For in to a tyme, and tymes, and the half of tyme. And whanne the scateryng of the hoond of the hooli puple is fillid, alle these thingis schulen be fillid.
8 And Y herde, and vndurstood not; and Y seide, My lord, what schal be aftir these thingis?
9 And he seide, Go thou, Danyel, for the wordis ben closid and aseelid, til to the tyme determyned.
10 Many men schulen be chosun, and schulen be maad whijt, and schulen be preued as fier, and wickid men schulen do wickidli, nether alle wickid men schulen vndurstonde; certis tauyt men schulen vndurstonde.
11 And fro the tyme whanne contynuel sacrifice is takun awei, and abhomynacioun is set in to discoumfort, schulen be a thousynde daies two hundrid and nynti.
12 He is blessid, that abideth, and cometh fulli, til a thousynde daies thre hundrid and fyue and thritti.
13 But go thou, Danyel, to the tyme determyned; and thou schalt reste, and stonde in thi part, in the ende of daies.
13a 13:1 A man was in Babiloyne, and his name was Joachim.
13aa 13:27 But after that the elde men spaken, the seruauntis weren aschamed greetly, for neuer was siche a word seid of Susanne. And the morew dai was maad.
13ab 13:28 And whanne the puple was comyn to Joachym, hir hosebonde, also the twei prestis fulle of wickid thouyte camen ayens Susanne, for to sle hir.
13ac 13:29 And thei seiden bifor al the puple, Sende ye to Susanne, the douyter of Helchie, the wijf of Joachym. And anoon thei senten.
13ad 13:30 And sche cam with hir fadir, and modir, and children, and alle kynesmen.
13ae 13:31 Certis Susanne was ful delicat, and fair of schap.
13af 13:32 And tho wickid men comaundiden, that sche schulde be vnhilid, for sche was kyuered; that nameli so thei schuldun be fillid of hir fairnesse.
13ag 13:33 Therfor hir kynesmen wepten, and alle that knewen hir.
13ah 13:34 Forsothe the twei prestis risiden togidere in the myddis of the puple, and settiden her hondis on the heed of hir.
13ai 13:35 And sche wepte, and bihelde to heuene, and hir herte hadde trist in the Lord.
13aj 13:36 And the prestis seiden, Whanne we walkiden aloone in the gardyn, this Susanne entride with twei damesels; and sche closide the dore of the gardyn, and lefte the damesels.
13ak 13:37 And a yong man, that was hid, cam to hir, and lai bi hir.
13al 13:38 Certis whanne we weren in a corner of the gardyn, we sien the wickidnesse, and runnen to hem, and we sien hem meddlid togidere.
13am 13:39 And sotheli we myyten not take hym, for he was strongere than we; and whanne he hadde opened the doris, he skippide out.
13an 13:40 But whanne we hadde take this womman, we axiden, who was the yonge man; and sche nolde schewe to vs. Of this thing we ben witnessis.
13ao 13:41 The multitude bileuede to hem, as to the eldre men and iugis of the puple, and condempneden hir to deth.
13ap 13:42 Forsothe Susanne criede loud with greet vois, and seide, Lord God, without bigynnyng and ende, that art knowere of hid thingis, that knowist alle thingis bifore that tho ben don;
13aq 13:43 thou wost, that thei han bore fals witnessyng ayens me. And lo! Y dye, whanne Y haue not do ony of these thingis, whiche these men han maad maliciously ayens me.
13ar 13:44 Forsothe the Lord herde the vois of hir.
13as 13:45 And whanne she was led to the deth, the Lord reiside the hooli spirit of a yonge child, whos name was Danyel.
13at 13:46 And he criede loude with a greet vois, Y am cleene of the blood of this womman.
13au 13:47 And al the puple turned ayen to hym, and seide, What is this word, which thou hast spoke?
13av 13:48 And whanne he stood in the myddis of hem, he seide, So ye, fonned children of Israel, not demynge nether knowynge that that is trewe, condempneden the douyter of Israel.
13aw 13:49 Turne ye ayen to the dom, for thei spaken fals witnessyng ayens hir.
13ax 13:50 Therfor the puple turnede ayen with haaste. And the elde men seiden to hym, Come thou, and sitte in the myddis of vs, and schewe to vs; for God hath youe to thee the onour of eelde.
13ay 13:51 And Danyel seide to hem, Departe ye hem atwynny fer, and Y schal deme hem.
13az 13:52 Therfor, whanne thei weren departid oon fro the tother, he clepide oon of hem, and seide to hym, Thou elde man of yuel daies, now thi synnes ben comun, whiche thou wrouytist bifore,
13b 13:2 And he took a wijf, Susanne bi name, the douyter of Helchie, a womman ful fair, and dredynge the Lord.
13ba 13:53 demynge vniust domes, oppressynge innocentis, and delyuerynge gilti men, whanne the Lord seith, Thou schalt not sle an innocent and iust man.
13bb 13:54 But now if thou siest hir, seie thou, vndur what tree thou siest hem spekynge togidere to hem silf? Which seide, Vndur an haw tree.
13bc 13:55 Forsothe Danyel seide, Riytli thou liest in thin heed; for lo! the angel of the Lord, bi a sentence takun of hym, schal kitte thee bi the myddil.
13bd 13:56 And whanne he was stirid awei, he comaundide the tother to come, and seide to hym, Thou seed of Canaan, and not of Juda, fairnesse hath disseyued thee, and coueitise hath misturned thin herte;
13be 13:57 thus ye diden to the douytris of Israel, and thei dredden, and spaken to you, but the douyter of Juda suffride not youre wickidnesse.
13bf 13:58 Now therfor seie thou to me, vndur what tree thou siest hem spekynge togidere to hem silf?
13bg 13:59 Which seide, Vndur a blak thorn. Forsothe Danyel seide to hym, Riytli also thou liest in thin heed; for the aungel of the Lord dwellith, and hath a swerd, that he kitte thee bi the myddil, and sle you.
13bh 13:60 Therfor al the puple criede lowde with greet vois, and blessiden `the Lord, that saueth hem that hopen in hym.
13bi 13:61 And thei risiden togidere ayens the twei preestis; for Danyel hadde conuyctid hem bi her mouth, that thei hadden bore fals witnessyng; and thei diden to hem, as thei hadden do yuele ayens the neiyboresse,
13bj 13:62 that thei schulden do bi the lawe of Moises, and thei killiden hem. And giltles blood was sauyd in that dai.
13bk 13:63 Forsothe Helchie and his wijf herieden the Lord in that day, for Susanne, her douyter, with Joachym, hir hosebonde, and with alle hir kynesmen, for a foul thing was not foundun in hir.
13bl 13:64 Forsothe Danyel was maad greet in the siyt of the puple, fro that dai and afterward.
13bm 13:65 And kyng Astriages was put to his fadris, and Sirus of Perseis took his rewme.
13bn —
13bo 14:2 Also an idol, Bel bi name, was at Babiloyne, and twelue mesuris of cleene flour, of whiche mesuris eche conteynede thre buyschels, and fourti scheep, and sixe mesuris of wyn, that ben clepid amfris, weren spendid in it ech day.
13bp 14:3 And the kyng worschipede that Beel, and yede ech dai to onoure hym; certis Danyel worschipide his God. And the kyng seide to hym, Whi worschipist thou not Beel?
13bq 14:4 Which answeride, and seide to him, For Y worschipe not idols maad bi hond, but God lyuynge, that made of nouyt heuene and erthe, and hath power of ech fleisch.
13br 14:5 And the kyng seide to hym, Whether it semeth not to thee, that Bel is a lyuynge god? whether thou seest not, hou grete thingis he etith and drynkith ech dai?
13bs 14:6 And Daniel seide leiyinge, Kyng, erre thou not; for whi this Bel is of clei with ynne, and of bras withoutforth, and etith not ony tyme.
13bt 14:7 And the king was wroth, and clepide the preestis therof, and seide to hem, If ye seien not to me, who it is that etith these costis, ye schulen die.
13bu 14:8 Forsothe if ye schewen that Bel etith these thingis, Daniel schal die, for he blasfemede Bel. And Daniel seide to the king, Be it don bi thi word.
13bv 14:9 Forsothe the prestis of Bel weren seuenti, outakun wyues, and litle children, ether seruauntis, and sones. And the kyng cam with Daniel in to the temple of Bel.
13bw 14:10 And the preestis of Bel seiden, Lo! we schulen go out, and thou, kyng, sette meetis, and meddle wyn, and close thou the dore, and aseele it with thi ryng.
13bx 14:11 And whanne thou entrist eerli, if thou fyndist not alle thingis etun of Bel, we schulen die bi deth, ether Daniel schal die, that liede ayens vs.
13by 14:12 Sotheli thei tristiden, for thei hadden maad a priuy entryng vndur the boord, and bi it thei entriden euere, and deuouriden tho thingis.
13bz 14:13 Forsothe it was don, aftir that thei yeden out, and the king settide metis bifor Bel, Daniel comaundide to hise children, and thei brouyten aischis, and he riddlide thorouy al the temple bifor the kyng. And thei yeden out, and closiden the dore, and aseeliden with the ryng of the kyng, and yeden forth.
13c 13:3 Forsothe hir fadir and modir, whanne thei weren riytful, tauyten her douyter bi the lawe of Moises.
13ca 14:14 But the preestis entriden in niyt, bi her custom, and the wyues, and children of hem, and eeten and drunken alle thingis.
13cb 14:15 Forsothe the kyng roos moost eerli, and Daniel with hym.
13cc 14:16 And the kyng seide, Daniel, whether the seelis ben saaf? And he answeride, King, tho ben saaf.
13cd 14:17 And anoon whanne thei hadden openyd the dore, the king biheelde the boord, and he criede an hiy with a greet vois, Bel, thou art greet, and no gile is at thee.
13ce 14:18 And Daniel leiyede, and he helde the kyng, that he entride not with ynne. And Daniel seide, Lo! the pawment, perseyue thou whos steppis these ben.
13cf 14:19 And the kyng seide, Y se steppis of men, and of wymmen, and of yonge children. And the kyng was wrooth.
13cg 14:20 Thanne the kyng took the preestis, and the wyues, and children of hem; and thei schewiden to hym litle priuy doris, bi whiche thei entriden, and wastiden tho thingis that weren on the boord.
13ch 14:21 Therfor the kyng killide hem, and bitook Bel in to the power of Daniel, which distriede thilke Bel, and his temple.
13ci 14:22 And a greet dragoun was in that place, and Babiloyns worschipiden it.
13cj 14:23 And the kyng seide to Daniel, Lo! now thou maist not seie, that this is not a quik god; therfor worschipe thou hym.
13ck 14:24 And Daniel seide to the kyng, Y worschipe my Lord God, for he is God lyuynge.
13cl 14:25 But thou, kyng, yyue power to me, and Y schal sle the dragoun, with out swerd and staf. And the kyng seide, Y yyue to thee.
13cm 14:26 Therfor Daniel took pitch, and talow, and heeris, and sethide togidere; and he made gobetis, and yaf in to the mouth of the dragun; and the dragun was al to-brokun. And Daniel seide, Lo! whom ye worschipiden.
13cn 14:27 And whanne Babiloynes hadden herd this thing, thei hadden indignacioun greetli; and thei weren gaderid ayens the king, and seiden, The king is maad a Jew; he distriede Bel, and killide the dragun, and slow the preestis.
13co 14:28 And thei seiden, whanne thei weren comun to the kyng, Bitake thou to vs Daniel, that distriede Bel, and killide the dragun; ellis we schulen sle thee, and thin hous.
13cp 14:29 Therfor the kyng siy, that thei fellen in on hym greetli; and he was compellid bi nede, and he bitook Daniel to hem.
13cq 14:30 Whiche senten hym in to the lake of liouns, and he was there seuene daies.
13cr 14:31 Certis seuene liouns weren in the lake, and twei bodies and twei scheep weren youun to hem ech dai. And thanne tho weren not youun to hem, that thei schulden deuoure Daniel.
13cs 14:32 Forsothe Abacuk, the profete, was in Judee, and he hadde soden potage, and hadde set in looues in a litil panyere; and he yede in to the feeld, to bere to reperis.
13ct 14:33 And the aungel of the Lord seide to Abacuk, Bere thou the mete, which thou hast, in to Babiloyne, to Daniel, which is in the lake of liouns.
13cu 14:34 And Abacuk seide, Lord, Y siy not Babiloyne, and Y knew not the lake.
13cv 14:35 And the aungel of the Lord took hym bi his top, and bar hym bi the heer of his heed; and he `settide thilke Abacuk in Babiloyne, on the lake, in the fersnesse of his spirit.
13cw 14:36 And Abacuk criede, and seide, Daniel, the seruaunt of God, take thou the mete, that God hath sent to thee.
13cx 14:37 And Daniel seide, Lord God, thou hast mynde on me, and hast not forsake hem that louen thee.
13cy 14:38 And Daniel roos, and eet; certis the aungel of the Lord restoride Abacuk anoon in his place.
13cz 14:39 Therfor the kyng cam in the seuenthe dai to biweile Danyel; and he cam to the lake, and lokide in, and lo! Daniel sittynge in the myddis of liouns.
13d 13:4 Sotheli Joachim was ful riche, and he hadde a gardyn niy his hous; and the Jewis camen to hym, for he was the moost worschipful of alle.
13da 14:40 The kyng criede an hiy with greet vois, and seide, Lord God of Daniel, thou art greet; and the kyng drow hym out of the lake.
13db 14:41 Certis he sente in to the lake hem, that weren cause of his perdicioun, and thei weren deuourid in a moment bifor him.
13dc 14:42 Thanne the kyng seide, Thei that dwellen in al erthe, drede the God of Daniel, for he is God lyuynge in to worldis; he is delyuerere, and sauyour, doynge myraclis and meruels in heuene and in erthe, that delyuerede Daniel fro the lake of liouns.
13e 13:5 And tweyne elde men weren ordeyned iugis in that yeer, of whiche the Lord spak, that wickidnesse yede out of Babiloyne, of the eldere iugis that semeden to gouerne the puple.
13f 13:6 These iugis vsiden oft the hous of Joachym; and alle men that hadden domes camen to hem.
13g 13:7 Forsothe whanne the puple hadde turned ayen after myddai, Susanne entride, and walkide in the gardyn of hir hosebonde.
13h 13:8 And the eldre men siyen hir entrynge ech dai, and walkynge; and thei brenten out in to `the couetise of hir.
13i 13:9 And thei turneden awei her wit, and bowiden doun her iyen, that thei siyen not heuene, nether bithouyten on iust domes.
13j 13:10 Sotheli bothe weren woundid bi the loue of hir, and thei schewiden not her sorewe to hem silf togidere;
13k 13:11 for thei weren aschamed to schewe to hem silf her coueitise, willynge to ligge fleischli bi hir.
13l 13:12 And thei aspieden ech dai more bisili to se hir.
13m 13:13 And oon seide to the tothir, Go we hoom, for the our of mete is. And thei yeden out, and departiden fro hem silf.
13n 13:14 And whanne thei hadden turned ayen, thei camen in to o place; and thei axiden ech of othere the cause, and thei knoulechiden her coueitise. And thanne in comyn thei ordeyneden a tyme, whanne thei miyten fynde hir aloone.
13o 13:15 Forsothe it was doon, whanne thei aspieden a couenable dai, sche entride sumtyme, as yistirdai and the thridde dai ago, with twei damysels aloone, and wolde be waischun in the gardyn; for whi heete was.
13p 13:16 And no man was there, outakun tweyne elde men hid, biholdynge hir.
13q 13:17 Therfor sche saide to the damysels, Bringe ye to me oile, and oynementis; and close ye the doris of the gardyn, that Y be waischun.
13r 13:18 And thei diden as sche `hadde comaundid; and thei closiden the doris of the gardyn, and yeden out bi a posterne, to bringe tho thingis that sche hadde comaundid. And thei wisten not, that the elde men weren hid with ynne.
13s 13:19 Sotheli whanne the damysels weren gon out, tweyne elde men risiden, and runnen to hir, and seiden, Lo!
13t 13:20 the doris of the gardyn ben closid, and no man seeth vs, and we ben in `the coueitise of thee. Wherfor assente thou to vs, and be thou meddlid with vs.
13u 13:21 That if thou wolt not, we schulen seie witnessyng ayens thee, that a yong man was with thee, and for this cause thou sentist out the damesels fro thee.
13v 13:22 And Susanne inwardli sorewide, and seide, Angwischis ben to me on ech side; for if Y do this, deth is to me; forsothe if Y do not, Y schal not ascape youre hondis.
13w 13:23 But it is betere for me to falle in to youre hondis without werk, than to do synne in the siyt of the Lord.
13x 13:24 And Susanne criede `an hiy with greet vois, but also the elde men crieden ayens hir.
13y 13:25 Forsothe oon ran, and openede the door of the gardyn.
13z 13:26 Sotheli whanne the seruauntis of the hous hadden herd the cry in the gardyn, thei fellen in bi the posterne, to se what it was.