Job 27

aligned by seat — same row, same verse, whatever each bible numbers it

← 26 28 →
vGeez
1 ወዓዲ፡ ደገነመ፡ ኢዮብ፡ ወይቤ።
2 ሕያው፡ እግዚአብሔር፡ ዘኰነነኒ፡ ከመዝ፡ ወዘኵሎ፡ ይመልክ፡ ዘአምረራ፡ ለነፍስየ።
3 ሶበሁ፡ ሀለወት፡ ነፍስየ፡ ወዓዲ፡ መንፈሰ፡ እግዚአብሔር፡ ዘያስተናግረኒ፡ ከመ፡ ኢይንብብ፡ አፉየ፡ ዓመፃ፡ ወኢትትመሀር፡ ነፍስየ፡ ኃጢአተ።
4 እትሐዘብሰ፡ እምአርአይኩክሙ፡ ጽድቀ፡ ዘእንበለ፡ እሙት፡ እስመ፡ ኢየኃድጋ፡ ለሕይወትየ።
5 እንዘሰ፡ ጽድቀ፡ እገብር፡ ኢይትሐጐል፡ እስመ፡ ኢይትዓወቀኒ፡ ዘገበርኩ፡ እኩይ።
6 ወባሕቱ፡ ሶበ፡ ኮኑ፡ ጸላእትየከመ፡ ድቀተ፡ ኃጥአን፡ ወአለሂ፡ ይትነሥኡ፡ ላዕሌየ፡ ከመ፡ ሞተ፡ ዓማፅያን።
7 ወለምንት፡ ይጸንሕ፡ ኃጥአ፡ ከመ፡ ይሴፎ፡ ሐይወ፡ ወዘኢተወከለ፡ በእግዚአብሔር፡ ይድኅንኑ፡ እንጋ።
8 ወይሰምዖኑ፡ ጸሎቶ፡ ወእመሂ፡ መጽአ፡ ምንዳቤ፡ ይረክብኑ፡ እንጋ፡ ገጸ፡ በኀቤሁ።
9 ወእመሂ፡ ጸውዖ፡ ይሠጠዎኑ፡ ወያወሥኦኑ።
10 ወባሕቱ፡ እነግረክሙ፡ ምንት፡ ውእቱ፡ ዘውስተ፡ እደ፡ እግዚአብሔር፡ ወኢይሔሱ፡ ዘሀሎ፡ በኅበ፡ ዘኵሎ፡ ይመልክ።
11 ተአምሩ፡ ኵልክሙ፡ ከመ፡ እኪት፡ ለእኩያን፡ ትመጽኦሙ።
12 ዝ፡ ውእቱ፡ መክፈልቱ፡ ለብእሲ፡ ኃጥእ፡ እምኀበ፡ እግዚአብሔር፡ ወይበጽሖ፡ ንዋየ፡ ዓበይት፡ ኀቤሁ፡ እምኀበ፡ ዘኵሎ፡ ይመልክ።
13 ወእመሂ፡ በዝኁ፡ ደቂቁ፡ ይከውኑ፡ ለሙስና፡ ወእመሂ፡ ጸንዑ፡ ያስተፍእሙ።
14 ወአልቦ፡ ዘይእምሮን፡ ለዕቤራቲሆሙ።
15 ወእመሂ፡ አስተጋብኦ፡ ከመ፡ መሬት፡ ለብሩር፡ ወከመ፡ ዕቡር፡ ዘገበ፡ ወርቀ።
16 ዘኵሎ፡ ጻድቃን፡ ይበሥአዎ፡ ወይረክብዎ፡ ለንዋዩ፡ ራትዓን።
17 ወይከውን፡ ቤቱ፡ ከመ፡ መሬት፡ ወከመ፡ ብላዐ፡ ቊንቊኔ።
18 ኖመ፡ ባዕል፡ ወአልቦ፡ ዘያነቅሖወይከሥት፡ አዕይንቲሁ፡ ወያነክር።
19 ወይጠብቆ፡ ሕማም፡ ከመ፡ ማይ፡ ወይነሥኦ፡ ዓውሎ።
20 ወይመስጦ፡ ሐሩር፡ ወየኃልፍ፡ ወይልሕሶ፡ እምነ፡ ምንባሩ።
21 ወይመጽእ፡ ላዕሌሁ፡ ዘኢየአምር፡ ወኢይምሕኮ፡ ወኢያመሥጥ፡ እምዴሁ፡ ወየኃልፍ።
22 ወይጠፍሕ፡ እዴሁ፡ በላዕሌ፡ ወይልሕሶ፡ እምነ፡ ቤቱ።
23 —