Psalms 101
aligned by seat — same row, same verse, whatever each bible numbers it
| v | WLC2008 |
|---|---|
| 1 | לְדָוִ֗ד מִ֫זְמ֥וֹר חֶֽסֶד ־ וּמִשְׁפָּ֥ט אָשִׁ֑ירָה לְךָ֖ יְהוָ֣ה אֲזַמֵּֽרָה ׃ |
| 2 | אַשְׂכִּ֤ילָה ׀ בְּדֶ֬רֶךְ תָּמִ֗ים מָ֭תַי תָּב֣וֹא אֵלָ֑י אֶתְהַלֵּ֥ךְ בְּתָם ־ לְ֝בָבִ֗י בְּקֶ֣רֶב בֵּיתִֽי ׃ |
| 3 | לֹֽא ־ אָשִׁ֨ית ׀ לְנֶ֥גֶד עֵינַ֗י דְּֽבַר ־ בְּלִ֫יָּ֥עַל עֲשֹֽׂה ־ סֵטִ֥ים שָׂנֵ֑אתִי לֹ֖א יִדְבַּ֣ק בִּֽי ׃ |
| 4 | לֵבָ֣ב עִ֭קֵּשׁ יָס֣וּר מִמֶּ֑נִּי רָ֝֗ע לֹ֣א אֵדָֽע ׃ |
| 5 | מלושני בַסֵּ֨תֶר ׀ רֵעֵהוּ֮ אוֹת֪וֹ אַ֫צְמִ֥ית גְּֽבַהּ ־ עֵ֭ינַיִם וּרְחַ֣ב לֵבָ֑ב אֹ֝ת֗וֹ לֹ֣א אוּכָֽל ׃ |
| 6 | עֵינַ֤י ׀ בְּנֶֽאֶמְנֵי ־ אֶרֶץ֮ לָשֶׁ֪בֶת עִמָּ֫דִ֥י הֹ֭לֵךְ בְּדֶ֣רֶךְ תָּמִ֑ים ה֝֗וּא יְשָׁרְתֵֽנִי ׃ |
| 7 | לֹֽא ־ יֵשֵׁ֨ב ׀ בְּקֶ֥רֶב בֵּיתִי֮ עֹשֵׂ֪ה רְמִ֫יָּ֥ה דֹּבֵ֥ר שְׁקָרִ֑ים לֹֽא ־ יִ֝כּ֗וֹן לְנֶ֣גֶד עֵינָֽי ׃ |
| 8 | לַבְּקָרִ֗ים אַצְמִ֥ית כָּל ־ רִשְׁעֵי ־ אָ֑רֶץ לְהַכְרִ֥ית מֵֽעִיר ־ יְ֝הוָ֗ה כָּל ־ פֹּ֥עֲלֵי אָֽוֶן ׃ |