Compare Psalms 118 — Codex Sacra

Psalms 118

aligned by seat — same row, same verse, whatever each bible numbers it

Bible Augustin Crampon (1923) Bible David Martin (1744) Bible J.N. Darby (French) Bible Ostervald (1881) Biblia Platense - Straubinger (1951) Clementine Vulgate (1592) Douay-Rheims (1899 American Edition) Elberfelder, Unrevidiert (1905) JPS Tanakh (1917) King James Version with Apocrypha (1611) King James Version with Apocrypha (1769) King James Version with Strong's (1769) Louis Segond (1910) Luther 1545 — modern spelling (Bolsinger 2021) Lutherbibel (1912) Reina-Valera (1909) Reina-Valera 1865 (Ministerios Valera, 2019 ed.) Sainte Bible libre pour le monde Sainte Bible néo-Crampon Libre Santa Biblia libre para el mundo Septuagint — Swete (1909–30) Valera 1602 Purificada Westminster Leningrad Codex (digital ed.) Wycliffe Bible (1395, original spelling) Zürcher Bibel (1931)

← 117 119 →

v	Wycliffe1395
1	117:1 The titil of the hundrid and seuententhe salm. Alleluia. Knouleche ye to the Lord, for he is good; for his merci is with outen ende.
2	117:2 Israel seie now, for he is good; for his merci is with outen ende.
3	117:3 The hous of Aaron seie now; for his merci is with outen ende.
4	117:4 Thei that dreden the Lord, seie now; for his merci is withouten ende.
5	117:5 Of tribulacioun Y inwardli clepide the Lord; and the Lord herde me in largenesse.
6	117:6 The Lord is an helpere to me; Y schal not drede what a man schal do to me.
7	117:7 The Lord is an helpere to me; and Y schal dispise myn enemyes.
8	117:8 It is betere for to trist in the Lord; than for to triste in man.
9	117:9 It is betere for to hope in the Lord; than for to hope in princes.
10	117:10 Alle folkis cumpassiden me; and in the name of the Lord it bifelde, for Y am auengide on hem.
11	117:11 Thei cumpassinge cumpassiden me; and in the name of the Lord, for Y am auengid on hem.
12	117:12 Thei cumpassiden me as been, and thei brenten out as fier doith among thornes; and in the name of the Lord, for Y am avengid on hem.
13	117:13 I was hurlid, and turnede vpsedoun, that Y schulde falle doun; and the Lord took me vp.
14	117:14 The Lord is my strengthe, and my heryyng; and he is maad to me in to heelthe.
15	117:15 The vois of ful out ioiyng and of heelthe; be in the tabernaclis of iust men.
16	117:16 The riyt hond of the Lord hath do vertu, the riyt hond of the Lord enhaunside me; the riyt hond of the Lord hath do vertu.
17	117:17 I schal not die, but Y schal lyue; and Y schal telle the werkis of the Lord.
18	117:18 The Lord chastisinge hath chastisid me; and he yaf not me to deth.
19	117:19 Opene ye to me the yatis of riytfulnesse, and Y schal entre bi tho, and Y schal knouleche to the Lord;
20	117:20 this yate is of the Lord, and iust men schulen entre bi it.
21	117:21 I schal knouleche to thee, for thou herdist me; and art maad to me in to heelthe.
22	117:22 The stoon which the bilderis repreueden; this is maad in to the heed of the corner.
23	117:23 This thing is maad of the Lord; and it is wonderful bifore oure iyen.
24	117:24 This is the dai which the Lord made; make we ful out ioye, and be we glad ther ynne.
25	117:25 O! Lord, make thou me saaf, O! Lord, make thou wel prosperite;
26	117:26 blessid is he that cometh in the name of the Lord. We blesseden you of the hous of the Lord;
27	117:27 God is Lord, and hath youe liyt to vs. Ordeyne ye a solempne dai in thicke puplis; til to the horn of the auter.
28	117:28 Thou art my God, and Y schal knouleche to thee; thou art my God, and Y schal enhaunse thee. I schal knouleche to thee, for thou herdist me; and thou art maad to me in to heelthe.
29	117:29 Knouleche ye to the Lord, for he is good; for his merci is with outen ende.