Psalms 140
aligned by seat — same row, same verse, whatever each bible numbers it
| v | WLC2008 |
|---|---|
| title | — |
| title | 140:1 לַמְנַצֵּ֗חַ מִזְמ֥וֹר לְדָוִֽד ׃ |
| 1 | 140:2 חַלְּצֵ֣נִי יְ֭הוָה מֵאָדָ֣ם רָ֑ע מֵאִ֖ישׁ חֲמָסִ֣ים תִּנְצְרֵֽנִי ׃ |
| 2 | 140:3 אֲשֶׁ֤ר חָשְׁב֣וּ רָע֣וֹת בְּלֵ֑ב כָּל ־ י֝֗וֹם יָג֥וּרוּ מִלְחָמֽוֹת ׃ |
| 3 | 140:4 שָֽׁנֲנ֣וּ לְשׁוֹנָם֮ כְּֽמוֹ ־ נָ֫חָ֥שׁ חֲמַ֥ת עַכְשׁ֑וּב תַּ֖חַת שְׂפָתֵ֣ימוֹ סֶֽלָה ׃ |
| 4 | 140:5 שָׁמְרֵ֤נִי יְהוָ֨ה ׀ מִ֘ידֵ֤י רָשָׁ֗ע מֵאִ֣ישׁ חֲמָסִ֣ים תִּנְצְרֵ֑נִי אֲשֶׁ֥ר חָ֝שְׁב֗וּ לִדְח֥וֹת פְּעָמָֽי ׃ |
| 5 | 140:6 טָֽמְנֽוּ ־ גֵאִ֨ים ׀ פַּ֡ח לִ֗י וַחֲבָלִ֗ים פָּ֣רְשׂוּ רֶ֭שֶׁת לְיַד ־ מַעְגָּ֑ל מֹקְשִׁ֖ים שָֽׁתוּ ־ לִ֣י סֶֽלָה ׃ |
| 6 | 140:7 אָמַ֣רְתִּי לַ֭יהוָה אֵ֣לִי אָ֑תָּה הַאֲזִ֥ינָה יְ֝הוָ֗ה ק֣וֹל תַּחֲנוּנָֽי ׃ |
| 7 | 140:8 יְהֹוִ֣ה אֲ֭דֹנָי עֹ֣ז יְשׁוּעָתִ֑י סַכֹּ֥תָה לְ֝רֹאשִׁ֗י בְּי֣וֹם נָֽשֶׁק ׃ |
| 8 | 140:9 אַל ־ תִּתֵּ֣ן יְ֭הוָה מַאֲוַיֵּ֣י רָשָׁ֑ע זְמָמ֥וֹ אַל ־ תָּ֝פֵ֗ק יָר֥וּמוּ סֶֽלָה ׃ |
| 9 | 140:10 רֹ֥אשׁ מְסִבָּ֑י עֲמַ֖ל שְׂפָתֵ֣ימוֹ יכסומו ׃ |
| 10 | 140:11 ימיטו עֲלֵיהֶ֗ם גֶּֽחָ֫לִ֥ים בָּאֵ֥שׁ יַפִּלֵ֑ם בְּ֝מַהֲמֹר֗וֹת בַּֽל ־ יָקֽוּמוּ ׃ |
| 11 | 140:12 אִ֥ישׁ לָשׁוֹן֮ בַּל ־ יִכּ֪וֹן בָּ֫אָ֥רֶץ אִישׁ ־ חָמָ֥ס רָ֑ע יְ֝צוּדֶ֗נּוּ לְמַדְחֵפֹֽת ׃ |
| 12 | 140:13 ידעת כִּֽי ־ יַעֲשֶׂ֣ה יְ֭הוָה דִּ֣ין עָנִ֑י מִ֝שְׁפַּ֗ט אֶבְיֹנִֽים ׃ |
| 13 | 140:14 אַ֣ךְ צַ֭דִּיקִים יוֹד֣וּ לִשְׁמֶ֑ךָ יֵשְׁב֥וּ יְ֝שָׁרִ֗ים אֶת ־ פָּנֶֽיךָ ׃ |
| 14 | — |