Psalms 30
aligned by seat — same row, same verse, whatever each bible numbers it
| v | WLC2008 |
|---|---|
| title | — |
| title | 30:1 מִזְמ֡וֹר שִׁיר ־ חֲנֻכַּ֖ת הַבַּ֣יִת לְדָוִֽד ׃ |
| 1 | 30:2 אֲרוֹמִמְךָ֣ יְ֭הוָה כִּ֣י דִלִּיתָ֑נִי וְלֹא ־ שִׂמַּ֖חְתָּ אֹיְבַ֣י לִֽי ׃ |
| 2 | 30:3 יְהוָ֥ה אֱלֹהָ֑י שִׁוַּ֥עְתִּי אֵ֝לֶ֗יךָ וַתִּרְפָּאֵֽנִי ׃ |
| 3 | 30:4 יְֽהוָ֗ה הֶֽעֱלִ֣יתָ מִן ־ שְׁא֣וֹל נַפְשִׁ֑י חִ֝יִּיתַ֗נִי מיורדי ־ בֽוֹר ׃ |
| 4 | 30:5 זַמְּר֣וּ לַיהוָ֣ה חֲסִידָ֑יו וְ֝הוֹד֗וּ לְזֵ֣כֶר קָדְשֽׁוֹ ׃ |
| 5 | 30:6 כִּ֤י רֶ֨גַע ׀ בְּאַפּוֹ֮ חַיִּ֪ים בִּרְצ֫וֹנ֥וֹ בָּ֭עֶרֶב יָלִ֥ין בֶּ֗כִי וְלַבֹּ֥קֶר רִנָּֽה ׃ |
| 6 | 30:7 וַ֭אֲנִי אָמַ֣רְתִּי בְשַׁלְוִ֑י בַּל ־ אֶמּ֥וֹט לְעוֹלָֽם ׃ |
| 7 | 30:8 יְֽהוָ֗ה בִּרְצוֹנְךָ֮ הֶעֱמַ֪דְתָּה לְֽהַרְרִ֫י עֹ֥ז הִסְתַּ֥רְתָּ פָנֶ֗יךָ הָיִ֥יתִי נִבְהָֽל ׃ |
| 8 | 30:9 אֵלֶ֣יךָ יְהוָ֣ה אֶקְרָ֑א וְאֶל ־ אֲ֝דֹנָ֗י אֶתְחַנָּֽן ׃ |
| 9 | 30:10 מַה ־ בֶּ֥צַע בְּדָמִי֮ בְּרִדְתִּ֪י אֶ֫ל ־ שָׁ֥חַת הֲיוֹדְךָ֥ עָפָ֑ר הֲיַגִּ֥יד אֲמִתֶּֽךָ ׃ |
| 10 | 30:11 שְׁמַע ־ יְהוָ֥ה וְחָנֵּ֑נִי יְ֝הוָה הֱֽיֵה ־ עֹזֵ֥ר לִֽי ׃ |
| 11 | 30:12 הָפַ֣כְתָּ מִסְפְּדִי֮ לְמָח֪וֹל לִ֥י פִּתַּ֥חְתָּ שַׂקִּ֑י וַֽתְּאַזְּרֵ֥נִי שִׂמְחָֽה ׃ |
| 12 | 30:13 לְמַ֤עַן ׀ יְזַמֶּרְךָ֣ כָ֭בוֹד וְלֹ֣א יִדֹּ֑ם יְהוָ֥ה אֱ֝לֹהַ֗י לְעוֹלָ֥ם אוֹדֶֽךָּ ׃ |
| 13 | — |