Psalms 47
aligned by seat — same row, same verse, whatever each bible numbers it
| v | WLC2008 |
|---|---|
| title | — |
| title | 47:1 לַמְנַצֵּ֬חַ ׀ לִבְנֵי ־ קֹ֬רַח מִזְמֽוֹר ׃ |
| 1 | 47:2 כָּֽל ־ הָ֭עַמִּים תִּקְעוּ ־ כָ֑ף הָרִ֥יעוּ לֵ֝אלֹהִ֗ים בְּק֣וֹל רִנָּֽה ׃ |
| 2 | 47:3 כִּֽי ־ יְהוָ֣ה עֶלְי֣וֹן נוֹרָ֑א מֶ֥לֶךְ גָּ֝דוֹל עַל ־ כָּל ־ הָאָֽרֶץ ׃ |
| 3 | 47:4 יַדְבֵּ֣ר עַמִּ֣ים תַּחְתֵּ֑ינוּ וּ֝לְאֻמִּ֗ים תַּ֣חַת רַגְלֵֽינוּ ׃ |
| 4 | 47:5 יִבְחַר ־ לָ֥נוּ אֶת ־ נַחֲלָתֵ֑נוּ אֶ֥ת גְּא֨וֹן יַעֲקֹ֖ב אֲשֶׁר ־ אָהֵ֣ב סֶֽלָה ׃ |
| 5 | 47:6 עָלָ֣ה אֱ֭לֹהִים בִּתְרוּעָ֑ה יְ֝הֹוָ֗ה בְּק֣וֹל שׁוֹפָֽר ׃ |
| 6 | 47:7 זַמְּר֣וּ אֱלֹהִ֣ים זַמֵּ֑רוּ זַמְּר֖וּ לְמַלְכֵּ֣נוּ זַמֵּֽרוּ ׃ |
| 7 | 47:8 כִּ֤י מֶ֖לֶךְ כָּל ־ הָאָ֥רֶץ אֱלֹהִ֗ים זַמְּר֥וּ מַשְׂכִּֽיל ׃ |
| 8 | 47:9 מָלַ֣ךְ אֱ֭לֹהִים עַל ־ גּוֹיִ֑ם אֱ֝לֹהִ֗ים יָשַׁ֤ב ׀ עַל ־ כִּסֵּ֬א קָדְשֽׁוֹ ׃ |
| 9 | 47:10 נְדִ֘יבֵ֤י עַמִּ֨ים ׀ נֶאֱסָ֗פוּ עַם֮ אֱלֹהֵ֪י אַבְרָ֫הָ֥ם כִּ֣י לֵֽ֭אלֹהִים מָֽגִנֵּי ־ אֶ֗רֶץ מְאֹ֣ד נַעֲלָֽה ׃ |
| 10 | — |