Psalms 52
aligned by seat — same row, same verse, whatever each bible numbers it
| v | WLC2008 |
|---|---|
| title | — |
| title | 52:1 לַמְנַצֵּ֗חַ מַשְׂכִּ֥יל לְדָוִֽד ׃ |
| 1 | 52:2 בְּב֤וֹא ׀ דּוֹאֵ֣ג הָאֲדֹמִי֮ וַיַּגֵּ֪ד לְשָׁ֫א֥וּל וַיֹּ֥אמֶר ל֑וֹ בָּ֥א דָ֝וִ֗ד אֶל ־ בֵּ֥ית אֲחִימֶֽלֶךְ ׃ |
| 1a | 52:3 מַה ־ תִּתְהַלֵּ֣ל בְּ֭רָעָה הַגִּבּ֑וֹר חֶ֥סֶד אֵ֝֗ל כָּל ־ הַיּֽוֹם ׃ |
| 2 | 52:4 הַ֭וּוֹת תַּחְשֹׁ֣ב לְשׁוֹנֶ֑ךָ כְּתַ֥עַר מְ֝לֻטָּ֗שׁ עֹשֵׂ֥ה רְמִיָּֽה ׃ |
| 3 | 52:5 אָהַ֣בְתָּ רָּ֣ע מִטּ֑וֹב שֶׁ֓קֶר ׀ מִדַּבֵּ֖ר צֶ֣דֶק סֶֽלָה ׃ |
| 4 | 52:6 אָהַ֥בְתָּ כָֽל ־ דִּבְרֵי ־ בָ֗לַע לְשׁ֣וֹן מִרְמָֽה ׃ |
| 5 | 52:7 גַּם ־ אֵל֮ יִתָּצְךָ֪ לָ֫נֶ֥צַח יַחְתְּךָ֣ וְיִסָּחֲךָ֣ מֵאֹ֑הֶל וְשֵֽׁרֶשְׁךָ֨ מֵאֶ֖רֶץ חַיִּ֣ים סֶֽלָה ׃ |
| 6 | 52:8 וְיִרְא֖וּ צַדִּיקִ֥ים וְיִירָ֗אוּ וְעָלָ֥יו יִשְׂחָֽקוּ ׃ |
| 7 | 52:9 הִנֵּ֤ה הַגֶּ֗בֶר לֹ֤א יָשִׂ֥ים אֱלֹהִ֗ים מָֽע֫וּזּ֥וֹ וַ֭יִּבְטַח בְּרֹ֣ב עָשְׁר֑וֹ יָ֝עֹ֗ז בְּהַוָּתֽוֹ ׃ |
| 8 | 52:10 וַאֲנִ֤י ׀ כְּזַ֣יִת רַ֭עֲנָן בְּבֵ֣ית אֱלֹהִ֑ים בָּטַ֥חְתִּי בְחֶֽסֶד ־ אֱ֝לֹהִ֗ים עוֹלָ֥ם וָעֶֽד ׃ |
| 9 | 52:11 אוֹדְךָ֣ לְ֭עוֹלָם כִּ֣י עָשִׂ֑יתָ וַאֲקַוֶּ֖ה שִׁמְךָ֥ כִֽי ־ ט֝֗וֹב נֶ֣גֶד חֲסִידֶֽיךָ ׃ |
| 10 | — |
| 11 | — |