Psalms 99
aligned by seat — same row, same verse, whatever each bible numbers it
| v | Wycliffe1395 |
|---|---|
| 1 | 98:1 The eiyte and nyntithe salm. The Lord hath regned, puplis ben wrooth; thou that sittist on cherubyn, the erthe be moued. |
| 2 | 98:2 The Lord is greet in Sion; and hiy aboue alle puplis. |
| 3 | 98:3 Knouleche thei to thi greet name, for it is ferdful and hooli; |
| 4 | 98:4 and the onour of the king loueth doom. Thou hast maad redi dressyngis; thou hast maad doom and riytfulnesse in Jacob. |
| 5 | 98:5 Enhaunse ye oure Lord God; and worschipe ye the stool of hise feet, for it is hooli. |
| 6 | 98:6 Moises and Aaron weren among hise preestis; and Samuel was among hem that inwardli clepen his name. Thei inwardli clepiden the Lord, and he herde hem; |
| 7 | 98:7 in a piler of cloude he spak to hem. Thei kepten hise witnessyngis; and the comaundement which he yaf to hem. |
| 8 | 98:8 Oure Lord God, thou herdist hem; God, thou were merciful to hem, and thou tokist veniaunce on al her fyndyngis. |
| 9 | 98:9 Enhaunse ye oure Lord God, and worschipe ye in his hooli hil; for oure Lord God is hooli. |