Compare Sirach 23 — Codex Sacra

Sirach 23

aligned by seat — same row, same verse, whatever each bible numbers it

← 22 24 →

v	Geez
1	እግዚኦ፡ አቡየ፡ አምላከ፡ ሕይወትየ፡ ኢትግድፈኒ፡ በምክረ፡ ዚአሆሙ፡ ወኢትኅድገኒ፡ እደቅ፡ ቦሙ።
2	መኑ፡ ይጌሥጾ፡ ሊተ፡ ለልብየ፡ ወመኑ፡ ይሜህራ፡ ሊተ፡ ጥበብ፡ ለኅሊናየ፡ ከመ፡ ይኅድገኒ፡ እበድየ፡ ወኢይማኡኒ፡ በዘይነቡ፡ ላዕሌየ።
3	ወከመ፡ ኢይብዝኀኒ፡ ጌጋይየ፡ ወከመ፡ ኢትፈድፍድ፡ ኀጢአተ፡ ወከመ፡ ኢይደቅ፡ ቅድሜሆሙ፡ ለፀርየ፡ ወኢትፍሥሑ፡ ጸላእትየ፡ ዲቤየ።
4	እግዚየ፡ ወአቡየ፡ ወአምላከ፡ ሕይወትየ፡ ኢታምጽእ፡ ሊተ፡ ዘያስሕታ፡ ለዐይንየ።
5	ወአሰስል፡ ፍትወተ፡ እምኔነ።
6	ጽጋብ፡ ኢይምጽአኒ፡ ወፈሐል፡ ኢይክርየኒ፡ ወለነፍስ፡ እኪት፡ ኢትመጥወኒ።
7	>ስምዑኒ፡ ደቂቅየ፡ ተግሣጸ፡ አፉየ፡ ወዘሰ፡ ዐቀበ፡ ኢይድኅፅ፡ ወዘአጽንዐ፡ ከናፍሪሁ።
8	ኃጥእ፡ ወዕቡይ፡ ወጸዓሊ፡ ይትዐቀፉ፡ ቦሙ።
8a	—
9	ወልድየ፡ ኢታልምዶ፡ መሐላ፡ ለአፉከ፡ ወስሞ፡ ለቅዱስ፡ ኢትዝክር፡ ሶበ፡ ትምሕል።
10	ከመ፡ ገብር፡ ዘኵሎ፡ ጊዜ፡ የሐትትዎ፡ ኢይጸብእ፡ ቊስለ፡ ለሥጋሁ፡ ከማሁ፡ ዘይዜከር፡ ስሞ፡ ለእግዚአብሔር፡ ዘልፈ፡ እንዘ፡ ይምሕል፡ ኢይነጽሕ፡ እምነ፡ ኀጢአት።
11	ብዙኅ፡ ጌጋዩ፡ ለብእሲ፡ መሓሊ፡ ወኢየኀልቅ፡ መቅሠፍተ፡ ቤቱ። ወእመኒ፡ ረስዐ፡ ኀጢአቱሰ፡ ኢይትኀደጎ፡ ወእመኒ፡ ተጸመመ፡ ካዕበተ፡ ይከውኖ፡ ጌጋዩ። ወኢይጸድቅ፡ በዘ፡ መሐለ፡ እስመ፡ ምሉእ፡ ፍዳሁ፡ ዲበ፡ ቤቱ።
11a	—
11b	—
12	ቦቱ፡ ቃለ፡ እንተ፡ ታመጽኣ፡ ለሞት፡ ወኢትሄሉ፡ ውስተ፡ ርስተ፡ ያዕቆብ። ኵሉ፡ ዝንቱ፡ ኢሀለወ፡ ኀበ፡ ጻድቃን፡ ወኢይትዐቀፉ፡ በኀጢአት።
12a	—
13	ነገረ፡ ስላቅ፡ ኢይፃእ፡ እምአፉከ፡ እስመቦ፡ ውስቴቱኒ፡ ብዙኅ፡ ኀጢአት።
13a	—
14	ተዘከሮሙ፡ ለአቡከ፡ ወለእምከ፡ ወተፀመድ፡ መኳንንቲከ፡ ወኢትስሐት፡ በቅድሜሆሙ፡ ወኢትልሳሕ፡ በእበድከ፡ ከመ፡ ኢትበል፡ ሶበ፡ ኢተወለድኩ፡ ወከመ፡ ኢትርግም፡ ዕለተ፡ ተወለድከ።
15	ብእሲ፡ ዘልሙድ፡ ስላቀ፡ ኢይጠብብ፡ አምጣነ፡ ሕያው፡ ውእቱ።
16	ክልኤቱ፡ እሙንቱ፡ እለ፡ ያመጽእዋ፡ ለኀጢአት፡ ወሣልሶሙ፡ ያመጽኣ፡ ለመንሱት፡ ነፍስ፡ መዐትም፡ ዘይነድድ፡ ከመ፡ እሳት፡ ወኢትቈርር፡ እስከ፡ ታሰጥሞ፡ ወብእሲኒ፡ ዘይዜሙ፡ በነፍስተ፡ ሥጋሁ፡ ኢኀድግ፡ እስከ፡ ያነድዳ፡ ለእሳት።
16a	—
16b	—
17	ለብእሲ፡ ዘማዊ፡ ኵሉ፡ እክል፡ ይጥዕሞ፡ ወኢያዐርፍ፡ እስከ፡ አመ፡ ይመውት።
17a	—
18	ብእሲ፡ ዘይትፋለስ፡ እምነ፡ ምስካቢሁ፡ ወይብል፡ በልቡ፡ አልቦ፡ ዘይሬእየኒ፡ ጽልመት፡ ብሔር፡ ወአረፍትኒ፡ ይሴውረኒ፡ ምንተ፡ እፈርህ፡ እንከ፡ አልቦ፡ ዘያአምረኒ፡ ወልዑልኒ፡ ይረስዕ፡(ሊተ፡)፡ ኀጢአትየ፡ ወኢይዜከረኒ።
19	ወዳእሙ፡ ዐይነ፡ ሰብእ፡ ይፈርህ፡ ኢይርአዮ፡ ወኢያአምር፡ ከመ፡ ዐይነ፡ እግዚአብሔር፡ ይበርህ፡ እምአእላፈ፡ ፀሓይ፡ ወይሬእዮ፡ ኵሎ፡ ምግባሮ፡ ለእጓለ፡ እመሕያው፡ ወያአምሮ፡ ኵሎ፡ ዘይገብር፡ ጽምሚተ።
20	—
21	ወበማእከለ፡ ሀገር፡ ይትቤቀሎ፡ ወእንተ፡ ኀበ፡ ኢተሐዘበ፡ ያሠግሮ።
21a	—
22	ወከማሁ፡ ብእሲትኒ፡ እንተ፡ ተኀድግ፡ ምታ፡ ወትውልድ፡ ወራሴ፡ በዲበ፡ መሐዛ።
23	አሐቲ፡ ክሕደት፡ በእግዚአብሔር፡ ወካልእታ፡ ዐለወቶ፡>ለምታ፤ ወሣልስታ፡ ሰረቀት፡ በዝሙታ፡ ወአቀመት፡ ውሉደ፡ እምላዕለ፡ መሐዛ።
24	ለእንተ፡ ከመዝ፡ የኀስርዋ፡ ወትትቀሠፍ፡ በውሉዳ።
25	ወይሤረው፡ ዘርኣ፡ ወፍሬሃ፡ ወኢይፈርዩ፡ አዕጹቂሃ።
26	ወርጉመ፡ ይከውን፡ ዝክራ፡ ወታወርስ፡ መርገመ፡ ለቤታ፡ ወኢየኀልቅ፡ ለዝላፉ፡(መርገማ፡ወ)ኀሳራ።
27	ወያአምር፡ እንከ፡ ኵሉ፡ ዘርእያ፡ ከመ፡ አልቦ፡ ዘይኄይስ፡ እምፈሪሃ፡ እግዚአብሔር፡ ወአልቦ፡ ዘይጥዕም፡ እምነ፡ ዐቂበ፡ ትእዛዙ፡ ለእግዚአብሔር።
28	—