Compare Sirach 26 — Codex Sacra

Sirach 26

aligned by seat — same row, same verse, whatever each bible numbers it

← 25 27 →

v	Geez
1	ለብእሲት፡ ኄርት፡ ያበጽዕ፡ ምታ፡ ወይትመክዐብ፡ መዋዕለ፡ ሕይወቱ።
2	ብእሲት፡ ዕብራዊት፡ ታስተፌሥሖ፡ ለምታ፡ ወይፌጽም፡ መዋዕሊሁ፡ በሰላም።
3	ብእሱት፡ ኄርት፡ ሠናይ፡ መክፈል[ት]፡ ወ[ት]በጽሖ፡ ለፈራሄ፡ እግዚአብሔር፡ ውስተ፡ መክፈልቱ።
4	ለባዕልኒ፡ ወለነዳይኒ፡ ልቡ፡ ይሠኒ፡ ወለዝሉፉ፡ ብሩሀ፡ ይኩን፡ ገጽከ።
5	እምእሉ፡ ሠለስቱ፡ ደንገጸኒ፡ ልብየ፡ ወራብዕሰ፡ አፍርሀኒ፡ ገጽየ፡ ማዕሌተ፡ ሀገር፡ ወእንግልጋ፡ አሕዛብ፡ ወስምዐ፡ ሐሰት፡ ላዕለ፡ ነፍስ፡ ዘያበጽሕ፡ ለሞት።
5a	—
5b	—
6	ቊስል፡ ይእቲ፡ ለልብ፡ ወላሕ፡ ይእቲ፡ ለነፍስ፡ ብእሲት፡ እንተ፡ ታስተቃንእ፡ ከመ፡ መቅሠፍተ፡ ልሳን፡ ትዔሪ፡ በኵሉ፡ እኩይ።
6a	—
7	ከመ፡ አርዑተ፡ ብዕራ፡ ዘያንቀለቅል፡ ከማሁ፡ ብእሲት፡ እኪት፡ ወዘይነብር፡ ምስሌሃ፡ ከመ፡ ዘይፀብጥ፡ ዐቅረበ።
8	ዐቢይ፡ መንሱት፡ ይእቲ፡ ብእሲት፡ ሰካሪት፡ እንተ፡ ኢትክል፡ ኀፍረታ፡ ከዲነ።
9	ዝሙታ፡ ለብእሲት፡ ይትዐወቅ፡ እምአዕይንቲሃ፡ ወይትአመር፡ በቀራንብቲሃ።
10	ወለወለትከኒ፡ አጽንዓ፡ ዐቂቦታ፡ ለእመ፡ ሥኅተት፡ ከመ፡ ኢታማስን፡ ርእሳ።
11	ወተዐቀብ፡ እምነ፡ ዐይነ፡[መ]ታሂ፤ከመ፡ ኢትግባእ፡ ትነስሕ፡ ለእመቦ፡ ዘብእሰከ።
12	ከመ፡ ይልሕስ፡ ጽሙእ፡ ወይሰቲ፡ እምኵሉ፡ ማይ፡ ዘቀርበ፡ ወያጸልል፡ ታሕተ፡ ኵሉ፡ ዕፀው፡ ወከመ፡ ዘያወጽእ፡ አሕጻሁ፡ እምጕንጳሁ።
13	ሞገሳ፡ ለብእሲት፡ ያስተፌሥሖ፡ ለምታ፡ ወጥበቢሃ፡ ያጠልሎ፡ ለአዕፅምቲሁ።
13a	—
14	ፍቱ፡ ለእግዚአብሔር፡ ብእሲት፡ የዋህ፡ ወአልባቲ፡ መድሎተ፡ ነፍስ፡ ጠባብ።
15	ሠናይት፡ በዲበ፡ በረከት፡ ብእሲት፡ ኀፋሪት፡ ወአልባቲ፡ ተውላጠ፡ ነፍስ፡ መስተዓግሥት።
15a	—
16	ከመ፡ ፀሓይ፡ በውስተ፡ ሰማዩ፡ ለእግዚአብሔር፡ ከማሁ፡ ላሕየ፡ ሥና፡ ለብእሲት፡ ኄርት፡ በውስተ፡ ትርሲተ፡ ቤታ።
17	ከመ፡ ማኅቶተ፡ ቅድሳት፡ እንተ፡ ታበርህ፡ በዲበ፡ ተቅዋማ፡ ከማሁ፡ ላሕየ፡ ገጹ፡ ለጠቢብ፡ በሥነ፡ ግዕዙ።
18	ከመ፡ አዕማደ፡ ወርቅ፡ እለ፡ ይቀውሙ፡ ዲበ፡ ምክያደ፡ ብሩር፡ ከማሁ፡ በአተ፡ እገሪሁ፡ ለኄር፡ ዘይቀውም፡ በሠናይ።
19	—
20	—
21	—
22	—
23	—
24	—
25	—
26	—
27	—
28	በእሉ፡ ሠለስቱ፡ ተከዘኒ፡ ልብየ፡ ወራብዖሙሰ፡ መዐተ፡ አምጽአ፡ ላዕሌየ፡ ብእሲ፡ መስተቃትል፡(ወተባዕ፡)ሶበ፡ የኀጥእ፡ ወይጼነስ፡ ዕደው፡ ጠቢባን፡ ለእመ፡ ስሕቱ፡ ወዘየኀድጋ፡ ለጽድቅ፡ ወይገብእ፡ ውስተ፡ ኀጢአት፡ እግዚአብሔር፡ ያወድቆ፡ በኵናት።
29	እምዕጹብ፡ ይድኅን፡ ሠያጢ፡ እምኀጢአት፡ ወኢይጸድቅ፡ መያሲ፡ እምዐምፆት።