Sirach 26
aligned by seat — same row, same verse, whatever each bible numbers it
| v | Wycliffe1395 |
|---|---|
| 1 | The hosebonde of a good womman is blessid; for whi the noumbre of her yeeris is double. |
| 2 | A strong womman delitith hir hosebonde; and shal fille in pees the yeeris of his lijf. |
| 3 | A good womman is a good part; in the good part of hem that dreden God, sche schal be youun to a man for goode dedis. |
| 4 | Forsothe the herte of a riche man and of a pore man is good; in al tyme her cheer is glad. |
| 5 | Myn herte dredde of thre thingis, and my face dredde in the fourthe thing. |
| 5a | 26:6 Bitraiyng of a citee, and the gadering togidere of puple, |
| 5b | 26:7 and fals chaleng; alle thingis greuouse on deth. |
| 6 | 26:8 The sorewe of herte, and morenyng is a ielouse womman. |
| 6a | 26:9 In a gelouse womman is betyng of tunge, and sche comyneth with alle men. |
| 7 | 26:10 As a yok of oxis which is mouyd, so and a wickid womman; he that holdith hir, is as he that takith a scorpioun. |
| 8 | 26:11 A drunkelew womman is greet ire, and dispisyng; and hir filthe schal not be hilid. |
| 9 | 26:12 The fornycacioun of a womman is in the reisyng of yyen; and schal be knowun in the iye liddis of hir. |
| 10 | 26:13 Make thou sad kepyng in a douytir not turnynge a wei hir silf; lest sche mysvse hir silf, if sche fyndith occasioun. |
| 11 | 26:14 Be thou war of al vnreuerence of hir iyen; and wondre thou not, if sche dispisith thee. |
| 12 | 26:15 As a weiegoere thirstynge schal opene the mouth at a welle, and schal drynke of ech watir next; and the forseid douytir schal sitte ayens ech pale, and schal opene the arowe caas ayens ech arowe, til sche faile. |
| 13 | 26:16 The grace of a bisi womman schal delite hir hosebonde; and schal make fat hise boonus. |
| 13a | 26:17 The kunnyng of hir is the yifte of God. |
| 14 | 26:18 A wijs womman and stille is not chaungyng of a lernyd soule. |
| 15 | 26:19 Grace on grace is an hooli womman, and schamfast. |
| 15a | 26:20 Forsothe al weiyng is not worth a contynent soule. |
| 16 | 26:21 As the sunne risynge in the world in the hiyeste thingis of God, so the fairnesse of a good womman is in to the ournement of hir hous. |
| 17 | 26:22 A lanterne schynynge on an hooli candilstike, and the fairnesse of a face on stidfast age. |
| 18 | 26:23 Goldun pileris on siluerne foundementis, and stidfast feet on the soolis of a stidfast womman. |
| 19 | — |
| 20 | — |
| 21 | — |
| 22 | — |
| 23 | 26:24 Euerlastynge foundementis on a sad stoon, and the heestis of God in the herte of an hooli womman. |
| 24 | — |
| 25 | — |
| 26 | — |
| 27 | — |
| 28 | 27:1 Many men han trespassid for nedynesse; and he that sekith to be maad riche, turneth a wei his iye. |
| 29 | 27:2 As a stake is fastned in the myddis of a heep of stoonys, so and a man schal be angwischid bi synnes bitwixe the middis of sillyng and biyng. |