Sirach 49
aligned by seat — same row, same verse, whatever each bible numbers it
| v | Wycliffe |
|---|---|
| 1 | The mynde of Josie maad in the makyng of odour, is the werk of a pyment makere. |
| 1a | 49:2 In ech mouth his mynde schal be maad swete as hony, and as musik in the feeste of wyn. |
| 2 | 49:3 He was dressid of God in the penaunce of folk; and he took awei the abhomynaciouns of wickidnesse. |
| 3 | 49:4 And the herte of hym gouernede to the Lord; and in the daies of synnes he strengthide pitee. |
| 4 | 49:5 Outakun Dauid, Ezechie and Josie, alle kyngis diden synne. |
| 4a | 49:6 For whi the kyngis of Juda leften the lawe of myyti God, and dispisiden the drede of God. |
| 5 | 49:7 For thei yauen her rewme to othere men, and her glorie to an alien folk. |
| 6 | 49:8 Thei brenten the chosun citee of hoolynesse; and thei maden the weies therof forsakun in the hond of Jeremye. |
| 7 | 49:9 For thei tretiden yuel hym, which from the wombe of the modir was halewid a profete, to turne vpsedoun, and to leese, and efte to bilde, and make newe. |
| 8 | 49:10 Ezechiel, that siy the siyt of glorie, which the Lord schewide to hym in the chare of cherubyn. |
| 9 | 49:11 For he made mynde of enemyes in reyn, to do wel to hem, that schewiden riytful weies. |
| 10 | 49:12 And the boonys of twelue profetis apperen fro her place; and thei strengthiden Jacob, and ayenbouyten hem in the feith of her vertu. |
| 11 | 49:13 Hou schulen we alarge Zorobabel? for whi and he was a signe in the riyt hond of God to Israel; |
| 12 | 49:14 and Jhesu, the sone of Josedech? whiche in her daies bildiden an hous, and enhaunsiden the hooli temple to the Lord, maad redi in to euerlastynge glorie. |
| 13 | 49:15 And Neemye in the mynde of myche tyme, that reiside to vs the wallis, `that weren cast doun, and made the yatis and lockis to stonde; which Neemye reiside oure housis. |
| 14 | 49:16 No man borun in erthe was such as Enok; for whi and he was resseyued fro the erthe. |
| 15 | 49:17 And Joseph, that was borun a man, the prince of britheren, the stidfastnesse of folk, the gouernour of britheren, the stablischyng of puple; |
| 15a | 49:18 and his boonys weren visitid, and profesieden after deth. |
| 16 | 49:19 Seth and Sem, these gaten glorie anentis men, and ouer ech man in the generacioun of Adam. |
| 17 | — |
| 18 | — |
| 19 | — |