Hover a verse for quick parallels · click it for the full panel across Bibles & notes.
1 ወይእዜኒ፡ ወልድየ፡ ማቱሳላ፡ አርአይኩከ፡ ኵሎ፡ ወተፈጸመ፡ ኵሉ፡ ሥርዐተ፡ ከዋክብተ፡ ሰማይ።
2 ወአርአየኒ፡ ኵሎ፡ ሥርዐቶሙ፡ ለእሉ፡ እንተ፡ በኵሉ፡ መዋዕል፡ ወበኵሉ፡ ዘመን፡ ዘበኵሉ፡ ሥልጣን፡ ወበኵሉ፡ ዓመት፡ ወበሙፃኡ፡ ወበትእዛዙ፡ ወበኵሉ፡ ወርኅ፡ ወበኵሉ፡ ሰንበታት።
3 ወሕጸጸ፡ ወርኅ፡ ዘይትገበር፡ በሳድስ፡ ኆኅት፡ እስመ፡ በዛቲ፡ ኆኅት፡ ሳድሲት፡ ይትፌጸም፡ ብርሃነ፡ ዚኣሁ፡ ወእምኔሁ፡ ይከውን፡ ርእሰ፡ ወርኅ፡ ወታሕጻጺት።
4 ዘይትገበር፡ በኆኅት፡ ቀዳሚት፡ በዘመነ፡ ዚኣሁ፡ እስከ፡ ይትፌጸም፡ መዋዕል፡ ምእት፡ ወሰብዓ፡ ወሰብዐቱ፡ በሥርዐተ፡ ሰንበት፡ ዕሥራ፡ ወኀምስቱ፡ ወክልኤ፡ መዋዕል።
5 ወዘየሐጽጽ፡ እምፀሓይ፡ ወሥርዐተ፡ ከዋክብት፡ ኀሙሰ፡ መዋዕለ፡ በዘመን፡ አሐዱ፡ ጥንቁቀ፡ ወሶበ፡ ይትፌጸም፡ ዝ፡ መካን፡ ዘትሬኢ።
6 ከመ፡ ዝ፡ አርአያ፡ ወአምሳል፡ እምኵሉ፡ ብርሃን፡ ዘአርአየኒ፡ ኡርኤል፡ መልአክ፡ ዐቢይ፡ ዘውእቱ፡ መራሒሆሙ።