Hover a verse for quick parallels · click it for the full panel across Bibles & notes.
1 ወካዕበ፡ ርኢክዎሙ፡ ወአኀዘ፡ እንዘ፡ ይወግኦ፡ አሐዱ፡ ለካልኡ፡ ወይውኅጦ፡ አሐዱ፡ ለካልኡ፡ ወምድርኒ፡ አኀዘት፡ ትጽራሕ።
2 ወአንሣእኩ፡ አዕይንትየ፡ ካዕበ፡ ውስተ፡ ሰማይ፡ ወርኢኩ፡ በራእይ፡ ወነዋ፡ ወፅኡ፡ እምሰማይ፡ ከመ፡ አምሳለ፡ ሰብእ፡ ጸዐዳ፡ ወአሐዱ፡ ወፅአ፡ እምውእቱ፡ መካን፡ ወሠለስቱ፡ ምስሌሆሙ።
3 ወእሙንቱ፡ ሠለስቱ፡ እለ፡ ወፅኡ፡ ድኅረ፡ አኀዙኒ፡ በእዴየ፡ ወአንሥኡኒ፡ እምትውልደ፡ ምድር፡ ወአልዐሉኒ፡ ዲበ፡ መካን፡ ነዋኅ፡ ወአርአዩኒ፡ ማኅፈደ፡ ነዋኀ፡ እምድር፡ ወኮነ፡ ሕጹጸ፡ ኵሉ፡ አውግር።
4 ወይቤሉኒ፡ ንበር፡ ዝየ፡ እስከ፡ ትሬኢ፡ ኵሎ፡ ዘይመጽእ፡ ዲበ፡ እሉ፡ ነጌያት፡ ወአግማል፡ ወአእዱግ፡ ወዲበ፡ ከዋክብት፡ ወዲበ፡ አልሕምት፡ ኵሎሙ።