Hover a verse for quick parallels · click it for the full panel across Bibles & notes.
1 מִזְמ֗וֹר לְדָ֫וִ֥ד יְ֭הֹוָה מִי ־ יָג֣וּר בְּאָהֳלֶ֑ךָ מִֽי ־ יִ֝שְׁכֹּ֗ן בְּהַ֣ר קָדְשֶֽׁךָ ׃
2 הוֹלֵ֣ךְ תָּ֭מִים וּפֹעֵ֥ל צֶ֑דֶק וְדֹבֵ֥ר אֱ֝מֶ֗ת בִּלְבָבֽוֹ ׃
3 לֹֽא ־ רָגַ֨ל ׀ עַל ־ לְשֹׁנ֗וֹ לֹא ־ עָשָׂ֣ה לְרֵעֵ֣הוּ רָעָ֑ה וְ֝חֶרְפָּ֗ה לֹא ־ נָשָׂ֥א עַל ־ קְרֹֽבוֹ ׃
4 נִבְזֶ֤ה ׀ בְּֽעֵ֘ינָ֤יו נִמְאָ֗ס וְאֶת ־ יִרְאֵ֣י יְהוָ֣ה יְכַבֵּ֑ד נִשְׁבַּ֥ע לְ֝הָרַ֗ע וְלֹ֣א יָמִֽר ׃
5 כַּסְפּ֤וֹ ׀ לֹא ־ נָתַ֣ן בְּנֶשֶׁךְ֮ וְשֹׁ֥חַד עַל ־ נָקִ֗י לֹ֥א לָ֫קָ֥ח עֹֽשֵׂה ־ אֵ֑לֶּה לֹ֖א יִמּ֣וֹט לְעוֹלָֽם ׃