Hover a verse for quick parallels · click it for the full panel across Bibles & notes.
1 מִזְמ֥וֹר לְדָוִ֑ד יְהוָ֥ה רֹ֝עִ֗י לֹ֣א אֶחְסָֽר ׃
2 בִּנְא֣וֹת דֶּ֭שֶׁא יַרְבִּיצֵ֑נִי עַל ־ מֵ֖י מְנֻח֣וֹת יְנַהֲלֵֽנִי ׃
3 נַפְשִׁ֥י יְשׁוֹבֵ֑ב יַֽנְחֵ֥נִי בְמַעְגְּלֵי ־ צֶ֝֗דֶק לְמַ֣עַן שְׁמֽוֹ ׃
4 גַּ֤ם כִּֽי ־ אֵלֵ֨ךְ בְּגֵ֪יא צַלְמָ֡וֶת לֹא ־ אִ֘ירָ֤א רָ֗ע כִּי ־ אַתָּ֥ה עִמָּדִ֑י שִׁבְטְךָ֥ וּ֝מִשְׁעַנְתֶּ֗ךָ הֵ֣מָּה יְנַֽחֲמֻֽנִי ׃
5 תַּעֲרֹ֬ךְ לְפָנַ֨י ׀ שֻׁלְחָ֗ן נֶ֥גֶד צֹרְרָ֑י דִּשַּׁ֖נְתָּ בַשֶּׁ֥מֶן רֹ֝אשִׁ֗י כּוֹסִ֥י רְוָיָֽה ׃
6 אַ֤ךְ ׀ ט֤וֹב וָחֶ֣סֶד יִ֭רְדְּפוּנִי כָּל ־ יְמֵ֣י חַיָּ֑י וְשַׁבְתִּ֥י בְּבֵית ־ יְ֝הוָ֗ה לְאֹ֣רֶךְ יָמִֽים ׃