Hover a verse for quick parallels · click it for the full panel across Bibles & notes.
1 The title of the hundrid and fiftithe salm. Alleluya. Herie ye the Lord in hise seyntis; herie ye hym in the firmament of his vertu.2 Herie ye hym in hise vertues; herie ye hym bi the multitude of his greetnesse.3 Herie ye hym in the soun of trumpe; herie ye hym in a sautre and harpe.4 Herie ye hym in a tympane and queer; herie ye hym in strengis and orgun.5 Herie ye hym in cymbalis sownynge wel, herye ye hym in cymbalis of iubilacioun;6 ech spirit, herye the Lord.